‘म हुँ सृष्टिको फक्ताङलुङ’मा मौसमी मल्ल

म्यूजिक

गृहपृष्ठ
म्यूजिक
‘म हुँ सृष्टिको फक्ताङलुङ’मा मौसमी मल्ल

‘म हुँ सृष्टिको फक्ताङलुङ’मा मौसमी मल्ल

मंगलबार, साउन ५, २०८३ रंगसंसार

अभिनेत्री मौसमी मल्ल लामो समयपछि नयाँ सांगीतिक भिडियोमार्फत दर्शकमाझ फर्किएकी छन् । गायिका नीता आचार्यको स्वरमा रहेको ‘म हुँ सृष्टिको फक्ताङलुङ’ बोलको गीतको भिडियो सार्वजनिक भएको हो, जसमा मौसमीलाई प्रमुख भूमिकामा देख्न सकिन्छ ।

गोविन्द राईको निर्देशनमा तयार भएको भिडियोमा मौसमी नेपाली मौलिक भेषभूषामा विभिन्न ऐतिहासिक तथा सांस्कृतिक पात्रको स्वरूपमा प्रस्तुत भएकी छन् । नेपालको इतिहास, संस्कृति र पहिचान झल्काउने प्रस्तुति भिडियोको मुख्य आकर्षण बनेको निर्माण पक्षले जनाएको छ । प्राकृतिक सौन्दर्यले भरिपूर्ण स्थानमा छायांकन गरिएको दृश्यले भिडियोलाई थप आकर्षक बनाएको छ ।

गीतको भिडियो सार्वजनिक भएसँगै मौसमीले आफू पुनः दर्शकमाझ आएको जानकारी सामाजिक सञ्जालमार्फत दिएकी छन् । उनले नीता आचार्यको युट्युब च्यानलमा भिडियो हेरेर प्रतिक्रिया दिन आग्रह गरेकी छन्। साथै, फेसबुकमार्फत आफू हाल नेपालमै रहेको जानकारी पनि साझा गरेकी छन् ।

मनु लोहोरुङ राईको शब्द रहेको गीतमा साज सिंहको संगीत तथा एरेन्ज छ। सुरज प्रधानले रेकर्डिङ गरेको यस गीतको भिडियोका सिनेमाटोग्राफर हिमाल श्रेष्ठ हुन् । सम्पादन सन्देश शाहले गरेका छन् भने कलरिङ राजेन्द्र मोक्तानले गरेका छन् ।

भिडियोमा सत्यम रानाको भिएफएक्स, सौरभ लामाको डीओपी तथा विशालको ड्रोन छायांकन रहेको छ । ‘म हुँ सृष्टिको फक्ताङलुङ’ गीतको भिडियो गायिका नीता आचार्यको आधिकारिक युट्युब च्यानलमार्फत हेर्न सकिनेछ ।

प्रकाशित मिति: मंगलबार, साउन ५, २०८३ १५:१४

प्रतिक्रिया दिनुहोस्