‘मौन कोलाहल’ सार्वजनिक

विविध

गृहपृष्ठ
विविध
‘मौन कोलाहल’ सार्वजनिक

‘मौन कोलाहल’ सार्वजनिक

बुधबार, साउन ६, २०८३ रंगसंसार

मदन पुरस्कार विजेता लेखक विवेक ओझाको नयाँ कृति ‘मौन कोलाहल’ बजारमा आएको छ । सांग्रीला बुक्सद्वारा प्रकाशित यो कृतिमा नौ वटा कथा समेटिएका छन् ।

‘मौन कोलाहल’मार्फत लेखक ओझाले समाजभित्र लुकेका विकृति, मानवीय संवेदना र कठोर यथार्थलाई कलात्मक शैलीमा प्रस्तुत गरेका छन् । संग्रहका कथाहरूले मानवीय अस्तित्व, सामाजिक ढोंग, नैतिक द्वन्द्व र चेतनाको अन्धकारलाई दार्शनिक दृष्टिकोणबाट चित्रण गर्दै पाठकलाई आत्ममन्थन गर्न प्रेरित गर्ने प्रयास गरेका छन् ।

यसअघि ओझाले चर्चित उपन्यास ‘ऐँठन’ का लागि २०७९ सालको मदन पुरस्कार प्राप्त गरेका थिए। ‘ऐँठन’ र ‘ऐलानी’ जस्ता चर्चित उपन्यासमार्फत पाठकमाझ स्थापित भएका ओझाको ‘मौन कोलाहल’ पहिलो कथा–संग्रह हो ।

प्रकाशकका अनुसार ‘मौन कोलाहल’ले पनि साहित्यप्रेमी पाठकमाझ विशेष रुचि र चर्चा बटुल्ने अपेक्षा गरिएको छ ।

प्रकाशित मिति: बुधबार, साउन ६, २०८३ १४:२९

प्रतिक्रिया दिनुहोस्