कस्तुप पन्तको ‘खाली भयो जेब’ सार्वजनिक

म्यूजिक

गृहपृष्ठ
म्यूजिक
कस्तुप पन्तको ‘खाली भयो जेब’ सार्वजनिक

कस्तुप पन्तको ‘खाली भयो जेब’ सार्वजनिक

बिहीबार, साउन ७, २०८३ रंगसंसार

नेपाली सांगीतिक बजारमा सर्जक तथा गायक कस्तुप पन्तले नयाँ तीज गीत ‘खाली भयो जेब’ सार्वजनिक गरेका छन् । लोकप्रिय गायिका एलिना चौहानको स्वरले सजिएको यस गीतमा शब्द तथा सङ्गीत कस्तुप पन्तकै रहेको छ ।

गीतको सङ्गीत संयोजन रमेश सेन्चुरीले गरेका हुन् भने मिक्सिङ तथा मास्टरिङको जिम्मेवारी कुमार पुनले सम्हालेका छन् । मारुनी डिजिटल रेकर्डिङ स्टुडियोमा रेकर्ड गरिएको गीतका रेकर्डिष्ट खुमन राना र सुमन राना हुन् । गीतमा गायक रामजी खाँणको स्वर पनि समावेश गरिएको छ ।

‘खाली भयो जेब’ ले युवतीका रहर, चाहना र तीजसँग जोडिएका भावनालाई मुख्य विषयवस्तु बनाएको । गीतमा तीजको अवसरमा महादेवको आराधना गर्दै आफ्ना अधुरा इच्छा पूरा गरिदिन गरिएको प्रार्थनालाई भावनात्मक ढंगले प्रस्तुत गरिएको छ ।

भिडियोमा चर्चित मोडल एलिना रायमाझी र पार्वती श्रेष्ठको आकर्षक अभिनय तथा ऊर्जावान नृत्य देख्न सकिन्छ । स्मृति तिमिल्सिना ‘गुरुआमा’ को निर्देशनमा तयार गरिएको भिडियोको छायाङ्कन करण चैसिरले गरेका छन् भने सम्पादन बिनोद बमले गरेका हुन् ।

निर्माण पक्षका अनुसार लामो समयदेखि लगातार सफल गीत दिँदै आएकी गायिका एलिना चौहान र सर्जक कस्तुप पन्तको यो सहकार्यले यस वर्षको तीजमा पनि श्रोता–दर्शकबाट उल्लेखनीय प्रतिक्रिया पाउने विश्वास गरिएको छ ।

प्रकाशित मिति: बिहीबार, साउन ७, २०८३ १६:२१

प्रतिक्रिया दिनुहोस्