दीपक जङ्गम र शिव परियार पुरस्कृत

म्यूजिक

गृहपृष्ठ
म्यूजिक
दीपक जङ्गम र शिव परियार पुरस्कृत

दीपक जङ्गम र शिव परियार पुरस्कृत

आइतबार, फागुन २९, २०७८ रंगसंसार

मकवानपुरमा वरिष्ठ संगीतकार तथा प्राध्यापक दीपक जङ्गम र गायक शिव परियार पुरस्कृत गरिएको छ । भीम विराग सङ्गीत साहित्य कला प्रतिष्ठान नेपाल मकवानपुरले भीम विरागको १० औं स्मृति दिवसको सन्दर्भमा शनिबार हेटौंडामा सांगीतिक समारोहकाबीच उनीहरुलाई पुरस्कार प्रदान गरेको हो ।

एकलाख रुपैयाँ नगद राशीको बिजुलीमाया वन श्रेष्ठ संगीत पुरस्कार यसवर्ष वरिष्ठ संगीतकार तथा प्राध्यापक दीपक जङ्गमलाई प्रदान गरिएको हो ।

प्रतिष्ठानका अध्यक्ष ह्यग्रीव आचार्य, वरिष्ठ साहित्यकार एलबी क्षेत्रीले जंगमलाई नगद हस्तान्तरण गर्दै दोसल्ला ओढाएर कदर प्रदान प्रदान गरेका थिए ।

त्यस्तै भीम विराग युवा संगीत पुरस्कार २०७८ बाट लोकप्रिय गायक शिव परियारलाई प्रदान गरिएको छ । उनलाई नगद २५ हजारसहित पुरस्कृत गरिएको हो । शिक्षाप्रेमी निरा गोर्खालीले उक्त पुरस्कार सौजन्य गरेकी थिइन् । पुरस्कार प्रदान पश्चात जंगम र परियारले आफ्नो सांगीतिक प्रस्तुति दिएका थिए ।

प्रकाशित मिति: आइतबार, फागुन २९, २०७८ १४:०३

प्रतिक्रिया दिनुहोस्