राष्ट्रव्यापी खुला आधुनिक गीत प्रतियोगितामा राजसागर प्रथम

म्यूजिक

गृहपृष्ठ
म्यूजिक
राष्ट्रव्यापी खुला आधुनिक गीत प्रतियोगितामा राजसागर प्रथम

राष्ट्रव्यापी खुला आधुनिक गीत प्रतियोगितामा राजसागर प्रथम

शुक्रबार, चैत १८, २०७८ रंगसंसार

राष्ट्रव्यापी खुला आधुनिक गीत प्रतियोगितामा गायनतर्फ भोजपुरका राजकुमार सुन्दास (राज सागर) प्रथम भएका छन् । यस्तै लक्ष्मी बि.क र सन्देश पौड्याल द्वितीय तथा ममता गुरुङ तृतीय स्थान ओगट्न सफल भए ।

२६ जना प्रतियोगीमध्ये निर्मल दियाली, उत्तम बहादुर थापा, मधु विश्वकर्मा, कपिल सुनुवार, अम्बिका राई, अविशेक बराइली विश्वकर्मा, मेनुका आचार्य, करुणा गन्धर्व, सरोज परियार र उपेन्द्र लिम्बु उत्कृष्ट १० मा पर्न सफल भए ।

रेडियो नेपालले वार्षिक उत्सवको पूर्व सन्ध्यामा हरेक बर्ष आधुनिक गीत प्रतियोगिताको आयोजना गर्दै आएको छ । यस वर्षको राष्ट्रव्यापी आधुनिक गीत प्रतियोगितामा ६ वटा प्रदेशका २६ जना कलाकारको सहभागिता रहेको थियो ।

वि.सं. २००७ साल चैत्र २० गते विधिवत् रुपमा स्थापना भएको रेडियो नेपालले यही चैत २० गते ७२ औँ स्थापना दिवस मनाउँदै छ ।

प्रकाशित मिति: शुक्रबार, चैत १८, २०७८ १२:५१

प्रतिक्रिया दिनुहोस्