चलचित्र ‘के घर के डेरा’को निर्देशक फेरबदल

फिल्म

गृहपृष्ठ
फिल्म
चलचित्र ‘के घर के डेरा’को निर्देशक फेरबदल

चलचित्र ‘के घर के डेरा’को निर्देशक फेरबदल

बुधबार, चैत २३, २०७८ रंगसंसार

दुई वर्ष अगाडि निर्माण घोषणा भएको चलचित्र ‘के घर के डेरा’को निर्देशक फेरबदल भएको छ । मंगलवार राजधानीमा पत्रकार सम्मेलन गर्दै चलचित्रको निर्देशक दिपेन्द्र के खनालले गर्ने जनाइएको हो । यसअघि चलचित्रको निर्देशकमा सुव्रतराज आचार्य थिए ।

चलचित्रलाई खनालले निर्देशन गर्ने भएपछि कथा पटकथा दुबैमा परिवर्तन हुने भएको छ । चलचित्रको निर्मातामा शरद श्रेष्ठ, राजीव श्रेष्ठ र किरण महर्जन छन् भने कार्यकारी निर्मातामा युवराज कार्की छन् । पैँतीस वर्ष अगाडि प्रदीप रिमाल निर्देशित चलचित्र ‘के घर के डेरा’को नाम सापटी लिएर चलचित्र बन्न लागेको हो । चलचित्रमा मुख्य कलाकारहरु भने यथावत छन् । ‘के घर के डेरा’मा दयाहाङ राई, विपिन कार्की, वर्षा राउत र रविन्द्र झाको मुख्य भूमिका रहने छ ।

प्रकाशित मिति: बुधबार, चैत २३, २०७८ १३:५२

प्रतिक्रिया दिनुहोस्