प्रेमराजा–दीपाश्रीको अभिनयमा ‘पीपल डाँडे साईली’

म्यूजिक

गृहपृष्ठ
म्यूजिक
प्रेमराजा–दीपाश्रीको अभिनयमा ‘पीपल डाँडे साईली’

प्रेमराजा–दीपाश्रीको अभिनयमा ‘पीपल डाँडे साईली’

बिहीबार, साउन ५, २०७९ रंगसंसार

ट्रि इन्टरटेन्मेन्टको प्रस्तुतिमा लोक शैलीको नयाँ गीत ‘पीपल डाँडे साईली’ रिलिज भएको छ । यो गीतमा गायक प्रेमराजा महत र गायिका अस्मिता परियारको स्वर छ । गीतको शब्द तथा संगीत पनि प्रेमराजा महतले नै तयार पारेका हुन् । ‘बाँझो खेतमा, हिउचुलीमा हिउँ, बिदेशीको हरियो डलर’ जस्ता चर्चित गीतका गायक महतले यो गीत आफूले झण्डै ४ दशक अगाडि नै कल्पना गरेको बताए ।

दीपक नेपालीको निर्देशनमा तयार भएको भिडियोमा प्रेमराजा महत, दीपाश्री निरौला, डेलविस, राज, जुना सुन्दास र सलिना खत्रीको नृत्य छ । भिडियोलाई दीपकले उत्कृष्ट तरिकाले छायांकन गरेका छन् । दिनेश दर्शनधारी, यशोधा राई र सुवर्ण महर्जनको लगानीमा बनेको यो गीतमा नवराज उप्रेतीको छायांकन, प्रविण भट्टको सम्पादन छ । भिडियोमा मौसम हिमालीको कोरियोग्राफी छ ।

ट्रि इन्टरटेन्मेन्टले बुधबार राजधानीमा एक कार्यक्रमको आयोजना गर्दै गीत सार्वजनिक गरेको हो । कार्यक्रममा बोल्दै कलाकार दीपाश्री निरौलाले प्रेमराज महतसँग पहिलो पटक सहकार्य गर्न पाउँदा खुशी लागेको बताइन् । गायक तथा कलाकार प्रेमराजा महतले यो गीत लेख्दा एक मोहरमा २ दाना अम्बा पाइने भन्दै अहिले समय फेरिएको बताए । यो गीतले ४ दशक अगाडिको जनजीवनलाई चित्रित गर्ने उनको भनाई थियो ।

प्रकाशित मिति: बिहीबार, साउन ५, २०७९ १३:१३

प्रतिक्रिया दिनुहोस्