जन्मिएको तीन दिनमै आलियाकी छोरीलाई विवाहको प्रस्ताव

बलिउड / हलिउड

गृहपृष्ठ
बलिउड / हलिउड
जन्मिएको तीन दिनमै आलियाकी छोरीलाई विवाहको प्रस्ताव

जन्मिएको तीन दिनमै आलियाकी छोरीलाई विवाहको प्रस्ताव

मंगलबार, कात्तिक २२, २०७९ रंगसंसार

बलिउड अभिनेत्री आलिया भट्टले छोरीलाई जन्म दिएलगत्तै वधाई तथा शुभकामनाको ओइरो लागिरहेको छ । आलिया र रणबीरलाई देश–विदेशबाट वधाई प्राप्त भइरहेको छ । यही क्रममा पाकिस्तानी अभिनेता तथा कार्यक्रम सञ्चालक यासिर हुसैनले पनि आलिया र रणबीरकी छोरीको जन्म भएकोमा एउटा पोस्ट शेयर गरेका छन् ।

उक्त पोस्टमा उनले आलियालाई वधाई दिनुभन्दा पनि दुबै देश एक हुने कुरा गरेका छन् । जसमा उनले आफ्ना छोरा कबीर हुसैनको पनि उल्लेख गरेका छन् ।

यासिरले आलिया र रणबीरको फोटो शेयर गर्दै आफ्नो पोस्टमा लेखेका छन्– ‘त्यसैले आज कबीर (यासिरका छोरा) यति धेरै खुशी छन् । दुबै मुलुकको मित्रताका लागि म तयार छु ।’

यासिरको पोस्ट देखेर धेरै मानिसले कुरा बुझेनन् भने केहीले विभिन्न अर्थ निकालेका छन् । आलियाकी छोरीको जन्मिएपछि यासिरले आफ्नो छोराको उल्लेख गर्नु र दुबैै मुलुकको मित्रताको कुरा गर्नु चर्चाको विषय बनेको छ । यासिरले उक्त पोस्टमार्फत इशारै इशारामा आफ्नो छोराका लागि आलियाकी छोरीको हात मागेको धेरैले अनुमान लगाएका छन् । यासिरको पोस्ट अहिले भाइरल भएको छ भने उनको ट्रोल पनि हुन थालेको छ ।

प्रकाशित मिति: मंगलबार, कात्तिक २२, २०७९ १६:३६

प्रतिक्रिया दिनुहोस्