‘मनसँग मन’को भ्यालेन्टाइन डेलाई लक्षित गर्दै प्रदर्शन मिति तय

फिल्म रिलिज

गृहपृष्ठ
फिल्म रिलिज
‘मनसँग मन’को भ्यालेन्टाइन डेलाई लक्षित गर्दै प्रदर्शन मिति तय

‘मनसँग मन’को भ्यालेन्टाइन डेलाई लक्षित गर्दै प्रदर्शन मिति तय

आइतबार, पुस १७, २०७९ रंगसंसार

सौरभ इन्टरटेन्मेन्ट र बलाली इन्टरटेन्मेन्टको ब्यानरमा निर्माण भएको फिल्म ‘मनसँग मन’को भ्यालेन्टाइन डेलाई लक्षित गर्दै प्रदर्शन मिति तय गरिएको छ । कैलाश राईको निर्देशनमा तयार भएको फिल्मको नयाँ वर्ष सन् २०२३ को अवसर पारेर माघ २७ गते रिलिज घोषणा गरिएको छ । पुष्प खड्का, वर्षा सिवाकोटी, रविन्द्र झा, बुद्दि तामाङ, महेन्द्र बगदास, चाँदनी प्रधान, सन्ते दाको अभिनयरहेको फिल्ममा पल शाह र पूजा शर्माको पनि विशेष भूमिका छ ।

अर्जुन पोखरेल र अगोम गुरुङको संगीत, कमल राई र रामजी लामिछानेको कोरियोग्राफी, सौरभ लामाको छायांकन, अर्जुन जीसीको सम्पादन रहेको फिल्म लभ स्टोरी जनरामा निर्माण गरिएको छ । फिल्मको वितरण उपत्यकामा जिजिए ग्रुप र डिसीएन तथा मोफसलमा एफडी कम्पनिले गर्दैछ। वितरक करण श्रेष्ठले भ्यालेन्टाइन डेलाई लक्षित गर्दै प्रेमकथामा आधारित फिल्मको रिलिज तय गरिएको जानकारी दिए ।

प्रकाशित मिति: आइतबार, पुस १७, २०७९ १३:००

प्रतिक्रिया दिनुहोस्