सनी देओलका छोरा करणले सुटुक्क बिबाह गर्दै

बलिउड / हलिउड

गृहपृष्ठ
बलिउड / हलिउड
सनी देओलका छोरा करणले सुटुक्क बिबाह गर्दै

सनी देओलका छोरा करणले सुटुक्क बिबाह गर्दै

बिहीबार, वैशाख २१, २०८० रंगसंसार

अभिनेता सनी देओलका छोरा करण देओलले फिल्म ‘पल पल दिल के पास’ बाट बलिउडमा डेब्यू गरेका थिए । फिल्मले बक्स अफिसमा खासै व्यापार गर्न नसके पनि फिल्मका गीतहरुले भने राम्रो चर्चा पाएका थिए । यसपछि पनि अभिनेताले हार मानेनन् र पापा सन्नीको फिल्म ‘भेले’ मा देखा परे तर यहाँ पनि उनी असफल साबित भए । फेरी एकपटक चर्चामा आएका अभिनेता तर यस पटक उनको लाइमलाइटमा आउनुको कारण उनको फिल्म नभई अभिनेताको व्यक्तिगत जीवन रहेको छ ।

वास्तवमा अभिनेताको इन्गेजमेन्ट भइसकेको र अब छिट्टै बिहे गर्ने खबर आइरहेको छ तर करणले कुन युवतीसँग बिहे गर्न लागेका छन् भन्ने जानकारी भने खुलेको छैन । रिपोर्टहरू विश्वास गर्ने हो भने, करण देओलले आफ्नो परिवारका सदस्यहरूको उपस्थितिमा इन्गेजमेन्ट गरेका छन् । उनले जुन महिनामा विवाह गर्ने छन्। रोचक कुरा के छ भने यो इन्गेजमेन्ट धर्मेन्द्र-प्रकाश कौरको वार्षिकोत्सवको अवसरमा भएको थियो ।

परिवारसँग सम्बन्धित एक स्रोतले भने, ‘करण देओलको दुलहीको बारेमा धेरै कमलाई थाहा छ । करण देओलले लामो समयदेखि यी युवतीलाई डेट गरिरहेका थिए र अब दुवैले विवाह गर्ने निर्णय गरेका छन् । करण देओलले हजुरबुवा धर्मेन्द्र र हजुरआमा प्रकाश कौरको वार्षिकोत्सवको अवसरमा आफ्नी प्रेमिकासँग इन्गेजमेन्ट गर्ने निर्णय गरेका थिए। सो अवसरमा दुवैको परिवार जम्मा भएर इन्गेजमेन्ट समारोह सम्पन्न भएको थियो ।

प्रकाशित मिति: बिहीबार, वैशाख २१, २०८० १३:४२

प्रतिक्रिया दिनुहोस्