‘बोल माया’ अर्को सिरिज ‘दमाई महाराज’ ल्याउँदै प्रकाश सपुत

म्यूजिक

गृहपृष्ठ
म्यूजिक
‘बोल माया’ अर्को सिरिज ‘दमाई महाराज’ ल्याउँदै प्रकाश सपुत

‘बोल माया’ अर्को सिरिज ‘दमाई महाराज’ ल्याउँदै प्रकाश सपुत

सोमबार, जेठ २२, २०८० रंगसंसार

गायक प्रकाश सपुतको पछिल्लो गीत ‘सकम्बरी’ चर्चामा रह्यो । त्यसको चर्चा सेलाउन नपाउँदै उनी ‘बोल माया’ को दोस्रो भाग ल्याउने तयारी छन् ।

‘बोल माया’ प्रकाशको सांगीतिक करिअरकै सबैभन्दा चर्चित गीत हो । यो गीतको सिरिजका रूपमा भने प्रकाशले ‘दमाई महाराज’ बोलको गीत ल्याउने भएका छन् । उनले गीतका बारे फेसबुकमार्फत जानकारी दिएका छन् ।

‘भनेको थिएनी - यो साल २०८० मा मैले “जातिय विभेद विरुद्दको वर्ष” को रुपमा आफ्ना सिर्जनाहरु ल्याउने छु । यसको सुरुवात स्वरूप नयाँ सिर्जनाको टाइटल जुरेको छ दमाई महाराज’, उनले सामाजिक सञ्जालमा लेखेका छन् ‘मेरो करियरका दुई कोशे ढुङ्गा गलबन्दी र ‘बोल माया’ कै अर्को भाग हो दमाई महाराज । जहिले पनि अर्को भाग आउँदैछ भन्ने तर नल्याउने भनेर प्रेमिल गुनासो गर्नेहरूका लागि पनि यो मिठो सम्बोधन हुन सक्छ ।’ बोल मायाको दोस्रो भागमा उनले बाध्यताले अरब जाने र दुर्भाग्यवश काठको बाकसमा फर्किनेको विरक्त लाग्दो कथा पस्किने समेत बताएका छन् ।

प्रकाशित मिति: सोमबार, जेठ २२, २०८० १६:४६

प्रतिक्रिया दिनुहोस्