मौनताले हिन्दी र नेपाली दुबै भाषामा चलचित्र निर्माणको तयारी गर्दै

फिल्म

गृहपृष्ठ
फिल्म
मौनताले हिन्दी र नेपाली दुबै भाषामा चलचित्र निर्माणको तयारी गर्दै

मौनताले हिन्दी र नेपाली दुबै भाषामा चलचित्र निर्माणको तयारी गर्दै

आइतबार, साउन १४, २०८० रंगसंसार

वि.सं. २०५६ साल देखि चलचित्र लेखनमा रहेका १५० भन्दा बढी चलचित्र लेखि सकेका मौनता श्रेष्ठ नेपाली चलचित्र जगतकोलागि नौलो नाम होइन ।

वि.सं.२०६१ बाट निर्माताको रुपमा पनि अगाडि आएका हुन् । वि.सं. २०६१ साल देखि हाल सम्म ७ भन्दा बढी चलचित्र निर्माण गरिसकेका उनी अहिले अर्को चलचित्र निर्माणको तयारीमा जुटेका छन् ।

स्थापित अनुहारको कामलाई मात्र विश्वास गर्न सक्ने स्वभावका उनी आफ्नो पछिल्लो चलचित्र आँधीतुफान–२ मा केही नयाँ अनुहारसँग काम गरेर भने तर्सेका छन् । निर्माणको क्रममा रहेको चलचित्रमा कुनै पनि नयाँ अनुहार नदेखिने तथा आँधितुफान–२ को एउटा पनि कलाकार नदोहोरिने गरि तयारीमा रहेको पनि उनले जानकारी दिएका छन् ।

यो चलचित्र नेपाली र हिन्दी भाषामा निर्माणको तयारीमा जुटेका उनले कलाकार पनि आधा कलिउडबाट तथा आधा बलिउडबाट छनौट गरिने पनि जानकारी दिए ।

त्यस्तै चलचित्रका प्राविधिक समेत स्थापित राखेर पूर्ण व्यवसायिक चलचित्रको निर्माणको तयारीमा रहेको समेत उनले जानकारी दिएका छन् । लोकेशन हन्टिङकालागि हाल चन्द्रनिगाहपूरमा रहेका उनले कलाकार तथा प्राविधिकहरु चयनको बारेमा भने टुङ्गो लागि नसकेको बताएका छन् । चलचित्रको कथा, पटकथा, संवाद तथा निर्माता समेत रहने उनले कथा तथा लगानीको बारेमा भने थप खुलाउन चाहेनन् ।

प्रकाशित मिति: आइतबार, साउन १४, २०८० १६:१६

प्रतिक्रिया दिनुहोस्