फिल्म ‘ह्वाइट हाउस’मा आँचल शर्मा अनुबन्धित

फिल्म

गृहपृष्ठ
फिल्म
फिल्म ‘ह्वाइट हाउस’मा आँचल शर्मा अनुबन्धित

फिल्म ‘ह्वाइट हाउस’मा आँचल शर्मा अनुबन्धित

मंगलबार, भदौ १२, २०८० रंगसंसार

सविनकुमार तोलांगीको पटकथा लेखन तथा निर्देशन रहने नयाँ फिल्म ‘ह्वाइट हाउस’मा अभिनेत्री आँचल शर्मा अनुबन्धित भएकी छन् । फिल्ममा आँचलको शीर्ष भूमिका हुने जनाइएको छ ।

फिल्ममा यसअघि रमेश उप्रेती र गरिमा शर्मा पनि अनुबन्धित भइसकेका छन् । अभिनेता उप्रेतीले यसको कथावस्तु महत्वपूर्ण रहेकाले आफू खेल्न राजी भएको सुनाए । राजदरबार घटनाको कथावस्तु पनि हल्का समावेश भएको उनले जनाए । फिल्मको नाम ‘ह्वाइट हाउस’मा चेन्ज भएर ‘राज महल’ हुन सक्ने पनि उनले जानकारी दिए ।

रमेश मंगलबार अमेरिका उड्दैछन् । दशैं मनाएर उनी त्यहाँबाट फर्किएपछि फिल्मको छायांकन सुरु हुने जनाइएको छ । अन्य कलाकारलाई चाँडै सार्वजनिक गरिने सविनले जानकारी दिए ।

निर्देशक तोलांगीले केही छोटा फिल्म र म्युजिक भिडियो निर्देशन गरेका छन् । अष्ट्रेलिया र नेपालमा सुटिङ हुने फिल्मका लागि बाँकी कलाकारको खोजी भइरहेको छ ।

प्रकाशित मिति: मंगलबार, भदौ १२, २०८० १२:४८

प्रतिक्रिया दिनुहोस्