फिल्म ‘फर्कि फर्कि’को टिजरमा अनमोल केसी मात्र देखिने

फिल्म

गृहपृष्ठ
फिल्म
फिल्म ‘फर्कि फर्कि’को टिजरमा अनमोल केसी मात्र देखिने

फिल्म ‘फर्कि फर्कि’को टिजरमा अनमोल केसी मात्र देखिने

सोमबार, भदौ १८, २०८० रंगसंसार

सुयोग गुुरुङको निर्देशनमा तयार हुन लागेको फिल्म ‘फर्कि फर्कि’को टिजरको छायांकन गरिएको छ । फिल्मको छायांकन सुरु हुनु अगाडि नै यसको टिजरको मात्र छायांकन गरिएको हो । शनिबार राती फिल्मको टिजर खिचिएको निर्माता रोहित अधिकारीले बताए ।

रोहित अधिकारी फिल्मस्को व्यानरमा निर्माण हुन लागेको लभ स्टोरी फिल्मको छायांकन कहिले सुरु हुन्छ, त्यो खुलेको छैन । तर, निर्माता अधिकारीका अनुसार टिजरमै फिल्मको छायांकन मिति भने घोषणा हुनेछ ।

फिल्ममा अनमोलको जोडीको रुपमा नायिका जसिता गुरुङको मुख्य भूमिका रहनेछ । तर, टिजरमा भने अनमोल केसीलाई मात्र देखाइने छ ।

यो फिल्मलाई लिएर नायक केसी निकै उत्साहित छन् । अनमोलले ‘फर्कि फर्कि’को काम सुरु गर्नु अगाडि सुदर्शन थापाको निर्देशनमा बन्न लागेको फिल्म ‘रावायण’मा काम गर्नेछन् । अहिले यो फिल्मको टिम लोकेशन खोजीमा काठमाडौं बाहिर छ ।

प्रकाशित मिति: सोमबार, भदौ १८, २०८० १३:५४

प्रतिक्रिया दिनुहोस्