अनमोलको फिल्म ‘फर्कि फर्कि’ को टिजर सार्वजनिक

फिल्म

गृहपृष्ठ
फिल्म
अनमोलको फिल्म ‘फर्कि फर्कि’ को टिजर सार्वजनिक

अनमोलको फिल्म ‘फर्कि फर्कि’ को टिजर सार्वजनिक

शुक्रबार, भदौ २२, २०८० रंगसंसार

अभिनेता अनमोल केसी अभिनित फिल्म ‘फर्की फर्की’को फरस्टलुक एनाउन्मेन्ट टिजर शुक्रबार युट्युुबमा सार्वजनिक भएको छ । अनमोलकै ‘भ्वाइस ओभर’ रहेको टिजरमा उनलाई मात्र प्रस्तुत गरिएको छ ।

निर्माण टिमले टिजरमा अनमोलसँगै अभिनेत्री जसिता गुरुङलाई पनि प्रस्तुत गर्न चाहेको थियो । उनीहरुको ‘लभ एङ्गल’बाट टिजर तयार गर्न खोजिएको थियो । तर, जसिता परिवारसँग बेलायतमा भएकाले टिजरमा अनमोललाई मात्र चित्रण गरिएको हो । आगामी कात्तिक अन्तिमबाट छायांकनमा जान लागेको फिल्ममा ‘सानो मन’ फेम्ड निर्देशक सुयोग गुरुङको लेखन तथा निर्देशन रहनेछ ।

रोहित अधिकारीले ओम अग्रवाल र श्याम कँडेलसँग मिलेर निर्माण गर्न लागेको फिल्मको सह निर्मातामा मनोज वली र राम न्यौपाने छन् । आलोक शुक्लाले छायांकन रहने फिल्ममा रोमन बज्रचार्य, नरेन लिम्बु र अनमोल गुरुङको संगीत, रोमन बज्रचार्यको ब्याकग्राउन्ड स्कोर र निर्देशक गुरुङ स्वयंको सम्पादन रहनेछ । लभस्टोरी कथावस्तुमा बन्न लागेको फिल्म २०२४ मा प्रदर्शनमा आउनेछ ।

प्रकाशित मिति: शुक्रबार, भदौ २२, २०८० १७:१९

प्रतिक्रिया दिनुहोस्