फिल्म ‘चित्रा’मा शुभेक्क्षा खड्का

फिल्म

गृहपृष्ठ
फिल्म
फिल्म ‘चित्रा’मा शुभेक्क्षा खड्का

फिल्म ‘चित्रा’मा शुभेक्क्षा खड्का

सोमबार, भदौ २५, २०८० रंगसंसार

फिल्म रणवीरबाट अभिनय यात्रा शुरु गरेकी शुभेक्क्षा खड्का निर्देशक घनश्याम लामिछानेको निर्देशनमा बन्न लागेको फिल्म ‘चित्रा’मा मुख्य भूमिकामा अभिनय गर्दैछिन् । फिल्ममा उनको सुखद करिअर बन्न सकेको छैन । दुईटा फिल्ममा काम गरिसकेको भए पनि उनलाई अभिनेत्रीको रुपमा स्थापित हुन अझै संघर्ष गर्नुपरेको छ । उनको दुवै फिल्म व्यावसायिक रुपमा सफल भएनन् । न त अभिनयमै उनले आफूलाई प्रमाणित गर्न सकिन् ।

अब उनी तेस्रो फिल्ममा काम गर्ने तयारीमा रहेकी छिन् । अघिल्ला दुई फिल्मको कमजोर नतिजाले संकटमा परेको करिअरलाई ‘चित्रा’बाट पुर्नजीवित गर्नुपर्ने चुनौती उनलाई छ । यसपटक अभिनयमा पनि आफूलाई सक्षम सावित गर्नुपर्ने दबाब उनीमाथि छ ।

यही भदौ अन्तिमदेखि छायांकन सुरु हुन लागेको फिल्ममा शुभेक्क्षासँगै अर्पण थापा, मेनुका प्रधान, प्रमोद अग्रहरी, सिम्रन खड्का, सन्तोष अधिकारी लगायतको पनि अभिनय रहनेछ । एसाप इन्टरटेनमेन्टको प्रस्तुतिमा बन्न लागेको फिल्मको कार्यकारी निर्मातामा सन्तोष अधिकारी छन् । एक साधारण बाबु र छोरीको कथालाई प्रस्तुत गर्न लागिएको फिल्मको लेखन मनिष गौतमले गरेका हुन् ।

प्रकाशित मिति: सोमबार, भदौ २५, २०८० १२:२६

प्रतिक्रिया दिनुहोस्