अर्जुन सुवेदीको फिल्म ‘रङ्गेली’को छायांकन सुरु

फिल्म

गृहपृष्ठ
फिल्म
अर्जुन सुवेदीको फिल्म ‘रङ्गेली’को छायांकन सुरु

अर्जुन सुवेदीको फिल्म ‘रङ्गेली’को छायांकन सुरु

मंगलबार, भदौ २६, २०८० रंगसंसार

अर्जुन सुवेदीको निर्देशन रहने ग्याङ्गस्टर कथामा निर्माण हुन लागेको फिल्म ‘रङ्गेली’को छायांकन सुरु भएको छ । मोरङस्थित काली मन्दिरमा शुभमुहूर्त गर्दै आज मंगलबारदेखि सुनसरीको इटहरीबाट सिनेमाको छायांकन सुरु गरिएको हो । रङ्गेलीसहित पूर्वका कर्सिया, कटहरी, विराटनगर र विर्तामोडमा छायांकन हुनेछ ।

फिल्ममा दयाहाङ राई, मिरुना मगर, अर्पण थापा, प्रविण खतिवडा र रविन बोगटी लगायतको मुख्य भूमिका रहनेछ । दयाहाङको छायांकन २ हप्तापछि राखिएको छ । त्यस्तै, मिरुना आफू अभिनीत सिनेमा ‘नाङ्गो गाउँ’ प्रदर्शनपछि छायांकनमा जोडिनेछिन् ।

सिनेमाको कार्यकारी निर्मातामा जीतेन्द्र खतिवडा र अनुज जङ्ग थापा छन् भने निर्मातामा संसार चौलागाई र रमेश भट्टराई बशिष्ठ छन् । युवक कार्की र शिव थपलिया सह-निर्माता रहेको सिनेमामा निर्देशक सुवेदी स्वयंको लेखन छ । सिनेमाको छायांकन सुसन प्रजापति गरिहेका छन् ।

फिल्म आगामी फागुन २५ गते महाशिवरात्रीको अवसरमा पारेर प्रदर्शनमा आउनेछ ।

प्रकाशित मिति: मंगलबार, भदौ २६, २०८० ११:४५

प्रतिक्रिया दिनुहोस्