राजेश पायल राईको स्वरमा ‘भावनाको देश’ सार्वजनिक

म्यूजिक

गृहपृष्ठ
म्यूजिक
राजेश पायल राईको स्वरमा ‘भावनाको देश’ सार्वजनिक

राजेश पायल राईको स्वरमा ‘भावनाको देश’ सार्वजनिक

शुक्रबार, असोज ५, २०८० रंगसंसार

गायक राजेश पायल राईको स्वरमा युवराज भण्डारीको नयाँ देशभक्ति गीत संविधान दिवसको अवसर पारेर सार्वजनिक गरिएको छ । सङ्गीतकार राजेश थापाले सङ्गीत रहेको ‘भावनाको देश’ बोलको सो गीतको सङ्गीत संयोजक फणीन्द्र राई हुन् ।

उक्त गीतको रेकर्डिङ राजेश श्रेष्ठले गरेका हुन् भने ध्वनि सम्पादन किशोर थापाले गरेका छन् । गीतकार भण्डारीको युट्युव च्यानल वाई बी कृयसनले असोज ३ गते सार्वजनिक गरेको यस गीतको म्यूजिक भिडिओमा पूजा ठकुरीको निर्देशन रहेको छ । विनोद बमको सम्पादन र रामकुमार केसीको छायाङ्कनमा भिडिओ साङ्ग्रिला कृयसनले तयार पारेको हो ।

प्रवासमा रहेर पनि नेपाली सङ्गीत र साहित्यमा अनवरत रूपले सक्रिय तनहुँ निवासी युवराज भण्डारी हाल क्यानडा छन् । भण्डारीको एक गीति कविता सङ्ग्रह प्रकाशित छ भने ‘भावनाको तस्वीर’ गजलसङ्ग्रह र ‘अर्को कर्नाली’ कवितासङ्ग्रह प्रकाशोन्मुख छन् । उनको शब्द तथा सङ्गीतमा यस अगि पनि केही गीतहरू बजारमा आइसकेका छन् ।

प्रकाशित मिति: शुक्रबार, असोज ५, २०८० १५:३७

प्रतिक्रिया दिनुहोस्