दयाहाङ राईले शुरु गरे फिल्म ‘डिग्री माइला’को छायांकन

फिल्म

गृहपृष्ठ
फिल्म
दयाहाङ राईले शुरु गरे फिल्म ‘डिग्री माइला’को छायांकन

दयाहाङ राईले शुरु गरे फिल्म ‘डिग्री माइला’को छायांकन

बुधबार, असोज १०, २०८० रंगसंसार

शुक्रबारदेखि छायांकन सुरु भएको फिल्म ‘डिग्री माइला’को सेटमा मंगलबार अभिनेता दयाहाङ राईले ‘ज्वाइन’ गरेका छन् ।

ओखलढुंगाको रुम्जाटारमा फिल्म छायांकन भइरहेको छ । मंगलबार राति दयाहाङको भागका दृश्य छायांकन भएको निर्देशक रामबाबु गुरुङले जानकारी दिए । आँचल शर्मा र बुद्धि तामाङ पहिलो दिनदेखि नै छायांकनमा छन् ।

पहिलो चरणको छायांकन १५ दिन चल्नेछ । त्यसपछि चिसो मौसमको खिच्नुपर्ने भएकाले मंसिरदेखि मात्र दोस्रो चरण सुरु हुनेछ ।

वैशाख १ गते रिलिजको योजना रहेको फिल्ममा माओत्से गुरुङ, पुष्कर गुरुङ, विजय बराल, प्रकाश घिमिरे लगायतको अभिनय रहेको छ । यो कमेडी फिल्मले ‘डिग्री माइला’ नामक चरित्रलाई पछ्याउँछ, जोसँग स्नातकोत्तरको प्रमाणपत्र त छ तर ऊ पढेको ज्ञानलाई व्यवहारमा उतार्दैन ।

बाँसुरी फिल्म्सको ब्यानरमा फिल्म निर्माण भइरहेको हो । आगामी वर्ष ‘कबड्डी ५’ निर्माणअघि रामबाबुले ‘डिग्री माइला’लाई प्रदर्शन गर्नेछन् ।

प्रकाशित मिति: बुधबार, असोज १०, २०८० १७:०१

प्रतिक्रिया दिनुहोस्