आगामी जेठ ११ मा अनमोलको ‘फर्कि फर्कि’

फिल्म

गृहपृष्ठ
फिल्म
आगामी जेठ ११ मा अनमोलको ‘फर्कि फर्कि’

आगामी जेठ ११ मा अनमोलको ‘फर्कि फर्कि’

सोमबार, असोज २९, २०८० रंगसंसार

अभिनेता अनमोल केसीको आगामी फिल्म ‘फर्की फर्की’को कार्यशाला सुरु भएको छ । दुई साताअघिसम्म करिअरकै उतारचढावपूर्ण श्रृंखलाको साक्षी बनेका अनमोल शुक्रबारदेखि नियमित काममा फर्किएका हुन् । निर्माता अधिकारीले कलाकार र निर्देशकीय टिमको उपस्थितिमा फिल्मको वर्कसप सुरु भएको जनाए ।

अभिनेत्री जसिता गुरुङले केही दिनमा वर्कसप ज्वाइन गर्नेछिन् । यतिबेला अनमोलसहित समृद्धि अर्याल, रवि काफ्लेले फिल्मबारे बुझिरहेका छन् ।

सुयोग गुरुङ निर्देशित ‘फर्की फर्की’ फिल्मले रिलिज मितिसमेत तय गरेको छ । छायांकन मंसिर १ गतेदेखि सुरु हुने भएको छ । प्रेमकथामा आधारित यो फिल्मको छायांकन काठमाडौं, पोखरा लगायतका स्थानमा हुने भएको छ । एक रोमान्टिक गीतलाई इण्डोनेसियाको बालीमा सुट गर्ने तयारी छ ।

अधिकारी र ओमप्रकाश अग्रवालको निर्माणमा बन्ने फिल्मको सहनिर्मातामा मनोज वली र ओम अग्रवाल छन् । नरेन्द्र मैनालीको छायांकन हुने फिल्ममा रोमन बज्राचार्य, नरेन लिम्बू र अनमोल गुरुङको संगीत हुनेछ ।

घटस्थापनाको अवसर पारेर आइतबार फिल्मको प्रदर्शन मिति घोषणा गरिएको हो। यो फिल्म गणतन्त्र दिवसको अवसर पारेर २०८१ साल जेठ ११ गतेदेखि प्रदर्शन हुने भएको छ।

प्रकाशित मिति: सोमबार, असोज २९, २०८० १०:१४

प्रतिक्रिया दिनुहोस्