५० वर्षपछि रिमेक गरियो गीत ‘म त खाँदिन कुवाको पानी’ (भिडियो)

म्यूजिक

गृहपृष्ठ
म्यूजिक
५० वर्षपछि रिमेक गरियो गीत ‘म त खाँदिन कुवाको पानी’ (भिडियो)

५० वर्षपछि रिमेक गरियो गीत ‘म त खाँदिन कुवाको पानी’ (भिडियो)

आइतबार, मंसिर २४, २०८० रंगसंसार

वरिष्ठ लोकगायिका तीर्थ कुमारी थापाद्वारा स्वरबद्ध सदाबहार नेपाली लोकगीत ‘म त खाँदिन कुवाको पानी’ लाइ अब रिमेकमा पनि सुन्न पाइने भएको छ ।

वरिष्ठ लोक संकलक बरुण जंग राणाद्दारा संकलित कालजयी गीत करीब ५० वर्ष अघि रेडियो नेपालमा रेकर्ड भएर नेपाली श्रोताहरु माझ प्रसिद्दि, लोकप्रियता र ख्याति कमाउन सफल भएको थियो र हालसम्म पनि असंख्य नेपाली श्रोताहरु तथा विदेशी संगीतप्रेमी श्रोताहरु माझ यो गीत उत्तिकै लोकप्रिय र सदाबहार छ ।

गीतलाई उनै गायिका तीर्थ कुमारी थापाको स्वर तथा संगीतकर्मी सुरज कुमार थापाको पुनस् संगीत संयोजनमा पुरानै गीत, संगीत, शब्द र भावलाई उही रुपमा राखेर केही थप वाध्ययन्त्रहरुको नयाँ संयोजनमा यो नयाँ रिमेक भर्सनमा गीत रेकर्ड गरेर रेडियो नेपालको स्टुडियोमा पुरानै ढाँचाले श्रव्य दृश्यको छायाँकन गरेर नयाँ म्युजिक भिडियो सार्वजनिक गरिएको छ ।

गायिका तीर्थ कुमारी थापाको छोरा गायक तथा संगीतकार सुरज कुमार थापाको नाम रहेको अफिसियल युटुब च्यानल मार्फत सार्वजनिक गरिएको यस रिमेक गीतको म्युजिक भिडियो कार्या प्रोडक्सन टीमको तर्फबाट निश्चल श्रेष्ठको छायाँकन, महेश्वर श्रेष्ठको फोटोग्राफी निर्देशन, बिकास खड्गीको रंग समिश्रण, निरु बस्नेतको श्रंगार तथा बिजु कर्माचार्यको सम्पादन र निर्देशन रहेको छ ।

प्रकाशित मिति: आइतबार, मंसिर २४, २०८० ११:००

प्रतिक्रिया दिनुहोस्