दोस्रोपटक ‘इण्डियन आइडल’मा ‘पर्फमर अफ द वीक’ घोषित भइन् मेनुका

फिल्म

गृहपृष्ठ
फिल्म
दोस्रोपटक ‘इण्डियन आइडल’मा ‘पर्फमर अफ द वीक’ घोषित भइन् मेनुका

दोस्रोपटक ‘इण्डियन आइडल’मा ‘पर्फमर अफ द वीक’ घोषित भइन् मेनुका

सोमबार, पुस २, २०८० रंगसंसार

भारतीय टिभी रियालिटी शो इण्डियन आइडलमा आफ्नो मर्मस्पर्शी प्रस्तुति दिएर गोल्डेन माइक समेत जितेकी नेपालकी मेनुका पौडेल दोस्रोपटक भारतीय टेलिभिजन रियालिटी शो ‘इण्डियन आइडल’मा ‘पर्फमर अफ द वीक’ घोषित भएकी छन् ।

हिन्दी फिल्म ‘अमर अकबर एन्थोनी’मा समावेश गीत ‘सिरिडी वाले साइबाबा’ गीत गाएकी थिइन् । शोमा उनी आफैंले हार्मोनियम बजाएर गीत गाइन् । नयाँ पुस्तालाई भजनजस्तो शास्त्रीय संगीतसँग जोड्न यो एपिसोड समर्पित गरिएको जज तथा गायिका श्रेया घोषालले बताएकी छन् ।

मेनुकाको यो प्रस्तुतिमा यसअघिजस्तै जज र अतिथिले स्ट्यान्डिङ ओभेसन दिएका थिए । जज कुमार सानुले मोहम्मद रफीको गीतलाई आफ्नो पहिचान बनाएको भन्दै मेनुकाको प्रशंसा गरे । श्रेयाले चाहिं मेनुकाको उक्त प्रस्तुति हिटभन्दा माथिल्लो स्तरको रहेको बताइन् ।

मेनुकाले गत साता भारतीय फिल्म ‘सलार’को लागि गीत समेत गाउने अवसर पाइसकेकी छन् ।

प्रकाशित मिति: सोमबार, पुस २, २०८० १५:०९

प्रतिक्रिया दिनुहोस्