हरिहरको जन्मदिनमा ‘ह्रस्व दीर्घ’को पोस्टर लुक्स सार्वजनिक

फिल्म

गृहपृष्ठ
फिल्म
हरिहरको जन्मदिनमा ‘ह्रस्व दीर्घ’को पोस्टर लुक्स सार्वजनिक

हरिहरको जन्मदिनमा ‘ह्रस्व दीर्घ’को पोस्टर लुक्स सार्वजनिक

बुधबार, वैशाख ५, २०८१ रंगसंसार

निर्देशक चन्द्र पन्तको निर्देशन रहने फिल्म ‘ह्रस्व दीर्घ’ले आफ्ना प्रमुख अभिनेता हरिहर अधिकारीको लुक्स सार्वजनिक गरेको छ । हरिहरको जन्मदिनको अवसर पारेर निर्माणपक्षले पोस्टर लुक्स सार्वजनिक गरेको हो ।

सार्वजनिक पोस्टरमा हरिहरलाई दुई वटा अवतारमा प्रस्तुत गरिएको छ । एउटामा उनलाई लामो कपालमा छालाको ज्याकेट लगाएको आधुनिक परिधानमा देख्न सकिन्छ भने अर्कोमा निधारमा विभूत लगाएको धार्मिक ‘गेटअप’मा छन् ।

प्रेमकथा रहेको यो फिल्मको यसअघि निर्माणपक्षले कलाकार ब्रमानन्दमको तस्विर मात्र समावेश गरिएको पोस्टर रिलिज गरेको थियो । फिल्मको तेस्रो चरणको बाँकी छायांकन मुम्बईमा हुनेछ । हुन् । अभिनेता हरिरहर अधिकारीको कथा रहेको फिल्ममा कविरलालको छायांकन छ ।

अभिनेत्री नीता ढुंगानाको निर्माण रहेको फिल्ममा हरिहर तथा नीताका अलावा विपना थापा, गरिमा शर्मा लगायतका कलाकारको अभिनय छ । केही दक्षिण भारतीय कलाकारको अभिनय पनि यो फिल्ममा रहनेछ । फिल्म असोज ११ गते रिलिज हुनेछ ।

प्रकाशित मिति: बुधबार, वैशाख ५, २०८१ ११:४८

प्रतिक्रिया दिनुहोस्