‘मनसरा सट अफ द डे’बाट क्रिकेटर लोकेश बम पुरस्कृत

फिल्म

गृहपृष्ठ
फिल्म
‘मनसरा सट अफ द डे’बाट क्रिकेटर लोकेश बम पुरस्कृत

‘मनसरा सट अफ द डे’बाट क्रिकेटर लोकेश बम पुरस्कृत

सोमबार, वैशाख १७, २०८१ रंगसंसार

वैशाख २१ गते रिलिज हुने नेपाली चलचित्र ‘मनसरा’को प्रचारका लागि क्रिकेट मैदानमा पुगेको छ । आइतबार ‘मनसरा सट अफ द डे’बाट क्रिकेटर लोकेश बम पुरस्कृत भएका छन् ।

आइतबार वेस्ट इन्डिज ‘ए’ विरुद्ध भएको दोस्रो टी-२० खेलमा नेपालका बमले १६ बलमा एक चौका र २ छक्का प्रहार गरेका थिए । सोही कारण ‘मनसरा’ले उनलाई नगद १० हजार रुपैयाँको पुरस्कार प्रदान गरेको हो । यस चलचित्रकी अभिनेत्री मिरुना मगरले बमलाई पुरस्कार प्रदान गरिन् ।

त्यस्तै, शनिवार नेपाल र वेस्ट इन्डिज ‘ए’ बिच भएको खेलमा उपस्थित रही नेपाली खेलाडी गुल्सन झालाई नगद १० हजार रुपैयाँको ‘सट अफ द डे’ प्रदान गरिएको थियो ।

यो चलचित्रमा दयाहाङ राई, मिरुना मगर, प्रवीण खतिवडा, मेनुका प्रधानका अलावा हेमन्त बुढाथोकी शान्ति गिरी, नेनहान राईको अभिनय रहेको छ । उपेन्द्र सुब्बाले निर्देशन गरेको यस चलचित्रका निर्माता छायाकार शैलेन्द्र ध्वज कार्की हुन् । विष्णु कुमार लिम्बु मनोरथ पोखरेल, परशु अधिकारी, पिटर गुरुङ तथा जीवन लिम्बु थाक्लुङ सह-निर्माता हुन् ।

प्रकाशित मिति: सोमबार, वैशाख १७, २०८१ १०:५६

प्रतिक्रिया दिनुहोस्