पलको प्रेम र पीडा बोल्ने ‘मायावी’ पोस्टर

फिल्म

गृहपृष्ठ
फिल्म
पलको प्रेम र पीडा बोल्ने ‘मायावी’ पोस्टर

पलको प्रेम र पीडा बोल्ने ‘मायावी’ पोस्टर

सोमबार, पुस २९, २०८१ रंगसंसार

दीवाकर भट्टराईको निर्देशनमा बनेको फिल्म ‘मायावी’को दोस्रो चरणको पोस्टर सार्वजनिक गरिएको छ । शुक्रबार सार्वजनिक दुई पोस्टरले फिल्मका मुख्य दुई पात्र पल शाह र दीपिका प्रसाइँको मनोदशा दर्शाउँछ । एउटा पोस्टरमा पल पीडामा देखिन्छन् । तर, अर्कोमा उनी दीपिकासँग प्रेमिल भावमा छन् । यसबाट के प्रष्ट हुन्छ भने फिल्मले प्रेम र वियोगलाई मुख्य कथावस्तु बनाएको छ । ‘मायावी’ पलका लागि चल्नैपर्ने दबाब छ । किनकि, जेल जीवनपछि उनले ‘सोलो हिट’ पाएका छैनन् । ‘पूजार सार्की’को सफलता उनले अनुभूत नै गर्न पाएनन् । उनलाई ठूलो आशा ‘रावायण’प्रति थियो । यसमा केही फरक प्रयास पनि गरेका थिए । तर, न फिल्म चल्यो न उनको मिहिनेतको प्रशंसा भयो । यसैले अब उनको आशा र भरोसा भनेकै ‘मायावी’ हो ।

निर्देशक भट्टराई स्वयंको लेखन रहेको फिल्ममा पल र दीपिकासहित सुशील सिटौला, करिश्मा श्रेष्ठ, राजाराम पौडेल, लक्ष्मी गिरी, प्रशान्त ताम्राकार, अंशु महर्जन, रवि डंगोल, रमा प्रसाँई लगायतको पनि अभिनय छ । यो फिल्मबाट ‘म्यान हन्ट इन्टरनेशनल नेपाल २०१६’का विजेता समिम खानले डेब्यु गरेका छन् । फिल्ममा ध्रुव न्यौपाने, राज कटुवाल र चन्द्र पन्त निर्मातामा छन् । प्रविन भट्टराई र करण सिंह कार्यकारी निर्माता रहेको फिल्मका सह-निर्माता राजु पराजुली र सुमित वली हुन् । यसमा राजु विक्रम थापाको डीओपी, मिलन श्रेष्ठको सम्पादन, साहिल खानको ट्रेलर, शम्भुजित बास्कोटा र एसडी योगीको संगीत तथा प्रविण सिंह र कविराज गहतराजको कोरियोग्राफी छ । यो फिल्म महाशिवरात्रिको दिन पारेर फागुन १४ गतेबाट प्रदर्शनमा आउने तयारीमा छ ।

प्रकाशित मिति: सोमबार, पुस २९, २०८१ ११:५८

प्रतिक्रिया दिनुहोस्