माग्ने बुढाको ‘माग्ने राजा’ तीजमा आउने

फिल्म

गृहपृष्ठ
फिल्म
माग्ने बुढाको ‘माग्ने राजा’ तीजमा आउने

माग्ने बुढाको ‘माग्ने राजा’ तीजमा आउने

मंगलबार, फागुन १३, २०८१ रंगसंसार

केदार घिमिरे ‘माग्ने बुढा’को शीर्ष भूमिका रहने फिल्म ‘माग्ने राजा’को प्रदर्शन मिति तय भएको छ । घिमिरेले सोमबार फेसबुकमार्फत यो फिल्म आगामी हरितालिका तीजमा आउने जनाएका हुन् । ‘आशिर्वाद दिनुहोला, तीजमा प्रदर्शनमा आउँदैछ’ उनले उल्लेख गरेका छन् । छायांकन सुरु नहुँदै निर्माताले तीजलाई प्रदर्शन मितिको रुपमा घोषणा गरेका हुन् ।

फिल्ममा माग्ने बुढा, आर्यन सिग्देल, वर्षा शिवाकोटी, विल्सनविक्रम राई, पवित्रा साँखी र शिशिर बाङ्देलको अभिनय हुनेछ । दर्शकले माग्ने बुढा र तक्मे बुढाको जोडीलाई दशकपछि पर्दामा हेर्न पाउनेछन् । उनीहरू पछिल्लोपटक ‘राम कहानी’मा एकसाथ देखिएका थिए । निर्देशन ऋषि लामिछानेले गर्नेछन् । आरम्भ प्रोडक्सनको ब्यानरमा फिल्म निर्माण हुन लागेको हो । ३ करोड रुपैयाँको लगानीमा निर्माण हुन लागेको फिल्मको निर्माता मुनाल घिमिरे हुन् ।

प्रकाशित मिति: मंगलबार, फागुन १३, २०८१ १०:४०

प्रतिक्रिया दिनुहोस्