‘सेतो धरती’ मञ्चन गर्दै

विविध

गृहपृष्ठ
विविध
‘सेतो धरती’ मञ्चन गर्दै

‘सेतो धरती’ मञ्चन गर्दै

बिहीबार, पुस ३, २०८२ रंगसंसार

उपन्यास ‘सेतो धरती’ मा आधारित नाटक मञ्चन हुने भएको छ । कान्तिपुर थिएटरले यो नाटक मञ्चन गर्न लागेको हो । लेखक अमर न्यौपाने र थिएटर प्रमुख प्रकाश पुरीबीच पुस्तकलाई नाटक बनाउने कुरामा सम्झौता भएको छ ।

‘सेतो धरती’ मा चर्चित कलाकारलाई लिने तयारी भैरहेको जनाइएको छ । पुस्तकको गरिमा र वजन मर्न नदिने विश्वाससहित कान्तिपुर थिएटरलाई नाटक मञ्चनको अधिकार दिएको न्यौपानेले जनाएका छन् ।

कान्तिपुर थिएटरले हालै ‘मीरा’ बाट रेखा थापा र ‘शिरिषको फूल’ बाट जीवन लुइँटेललाई नाटकमा डेब्यू गराएको थियो ।

नेपाली साहित्यमा धेरै विक्री हुन सफल यो पुस्तकको मुख्य पात्र ताराको जीवन भोगाइलाई अक्षरमा पढेका पाठकलाई दृश्यमा देखाउन सके रोमाञ्चक हुने आशा लिइएको कान्तिपुर थिएटरका प्रमुख पुरीले बताए । पाठक मात्र नभएर रंगमञ्चका दर्शकले पनि पुस्तकमाथि स्वादिलो नाट्य खुराक पाउने आशा लिइएको उनले जनाए ।

माघ ९ मा सरस्वती पूजाको दिनदेखि नाटक मञ्चनको तयारी गरिएको छ । निर्देशक र कलाकारबारे चाँडै जानकारी दिइएने जनाइएको छ ।

प्रकाशित मिति: बिहीबार, पुस ३, २०८२ १२:१७

प्रतिक्रिया दिनुहोस्