'कमेडी बाज' दर्शकमाझ आउँदै

विविध

गृहपृष्ठ
विविध
'कमेडी बाज' दर्शकमाझ आउँदै

'कमेडी बाज' दर्शकमाझ आउँदै

शुक्रबार, वैशाख ४, २०८३ रंगसंसार

‘कमेडी दरबार’ बाट चर्चामा आएका कमेडियन सुन्दर खनाल अब आफ्नै नयाँ हाँस्य शो 'कमेडी बाज' लिएर दर्शकमाझ आउने भएका छन् । उनले हालै एक टिजर सार्वजनिक गर्दै शो बारे प्रारम्भिक जानकारी दिएका हुन् ।

सार्वजनिक टिजरमा एक्सनलाई विशेष प्राथमिकता दिइएको देखिन्छ, तर शोको पूर्ण फर्म्याट भने खुलाइएको छैन । बुझिएअनुसार ‘'कमेडी बाज' रोस्टिङ शैलीमा आधारित हुनेछ, जहाँ विभिन्न क्षेत्रका पाहुनाहरूलाई निमन्त्रणा गरी हाँस्य प्रस्तुति गरिनेछ ।

शो बारे सुन्दर खनाल भन्छन्, “शोको मूल अवधारणा ‘ब्याटल’ फर्म्याटमा आधारित छ । अहिलेका लागि यत्ति भनौं, बाँकी कुरा पूर्ण एपिसोडमा देख्ने नै छौं ।” उनका अनुसार यो शो ईमेज टेलिभिजन र ‘सुन्दर खनाल’ युट्युब च्यानलबाट मार्फत सार्वजनिक गरिनेछ ।

टिजरमार्फत शोका होस्टका रूपमा सुन्दर खनाल र आरती थापा लाई औपचारिक रूपमा सार्वजनिक गरिएको छ । साथै कार्यक्रममा पवन खतिवडा (म्याकुरी), विश्वास तिमल्सिना (बिटी कान्छा), सरोज भण्डारी, सीता न्यौपाने, शुसान्त बस्याल, आशिष न्यौपाने र निश्चल अर्याल लगायतका कलाकारहरूको सहभागिता रहनेछ ।

यो शो वैशाखको दोस्रो सातादेखि प्रसारण हुने तयारीमा रहेको जनाइएको छ। ‘कमेडी बाज’ मा देखिने अधिकांश कमेडियनहरू ‘कमेडी दरबार’ सँग पनि आबद्ध रहेकाले दर्शकमा थप उत्सुकता देखिएको छ । कलाकारहरूले भने आफूहरू दुवै शोमा देखिने स्पष्ट पारेका छन् ।

प्रकाशित मिति: शुक्रबार, वैशाख ४, २०८३ ११:१२

प्रतिक्रिया दिनुहोस्