‘यो नेपाली शिर उचाली सिजन २’ प्रसारण हुँदै

विविध

गृहपृष्ठ
विविध
‘यो नेपाली शिर उचाली सिजन २’ प्रसारण हुँदै

‘यो नेपाली शिर उचाली सिजन २’ प्रसारण हुँदै

बिहीबार, वैशाख ३१, २०८३ रंगसंसार

अभिनेता राजेश हमालको प्रस्तुति रहेको टेलिभिजन कार्यक्रम ‘यो नेपाली शिर उचाली सिजन २’ आज (बुधबार) देखि प्रसारणमा आउने भएको छ । कार्यक्रम प्रत्येक साता साँझ ८ः३० बजे हिमालय टेलिभिजनमा प्रसारण हुनेछ । साथै दर्शकले यसलाई ‘यो नेपाली शिर उचाली’ नामक युट्युब च्यानलमार्फत पनि हेर्न सक्नेछन् ।

कार्यक्रममा राजेश हमालले विदेशमा संघर्ष गर्दै उल्लेखनीय सफलता हासिल गरेका नेपालीहरूसँग उनीहरूकै कर्मभूमिमा पुगेर संवाद गर्नेछन् । दोस्रो सिजन विशेष रूपमा अष्ट्रेलियामा केन्द्रित रहने जनाइएको छ । त्यहाँका विभिन्न शहरमा आफ्नो क्षेत्रमा पहिचान बनाएका नेपालीहरूको प्रेरणादायी यात्रा कार्यक्रममा समेटिनेछ ।

कार्यक्रमको निर्माण मुभ मिडिया प्रालिलेगरेको हो भने अष्ट्रेलियामा एसजिटी प्रोडक्सनको सहकार्यमा छायांकन सम्पन्न गरिएको बताइएको छ । कार्यकारी निर्माता विवेक रेग्मीका अनुसार दोस्रो सिजन पनि पहिलो सिजनझैँ १३ भागको हुनेछ ।

निर्माता रेग्मीले कार्यक्रममा प्रस्तुत गरिएका कथाले विश्वभर रहेका नेपाली समुदायलाई प्रेरणा दिने विश्वास व्यक्त गरेका छन् । विदेशमा रहेका नेपालीको अनुभव, ज्ञान र सीपलाई स्वदेशसँग जोड्ने उद्देश्यले कार्यक्रम अघि बढाइएको उनको भनाइ छ ।

कार्यक्रमको पहिलो सिजन गत वर्ष युरोपबाट सुरु गरिएको थियो । निर्माण पक्षका अनुसार आगामी दिनमा पनि विश्वका विभिन्न देशमा रहेका नेपालीहरूको संघर्ष र सफलताको कथा क्रमशः प्रस्तुत गर्दै लगिनेछ ।

प्रकाशित मिति: बिहीबार, वैशाख ३१, २०८३ १२:२४

प्रतिक्रिया दिनुहोस्