‘इमा’ लोकार्पण

विविध

गृहपृष्ठ
विविध
‘इमा’ लोकार्पण

‘इमा’ लोकार्पण

सोमबार, जेठ ४, २०८३ रंगसंसार

साहित्यकार तथा गीतकार कादम्बरी दाना श्रेष्ठको नवीन कृति ‘इमा’ राजधानी काठमाडौंमा एक विशेष समारोहबीच लोकार्पण गरिएको छ । चलचित्र विकास बोर्ड परिसरमा आयोजित कार्यक्रममा साहित्य, संगीत तथा सामाजिक क्षेत्रका विभिन्न व्यक्तित्वहरूको उल्लेखनीय उपस्थिति रहेको थियो ।

राष्ट्रियसभा सदस्य डा. अञ्जना शाक्य प्रमुख अतिथि रहेको कार्यक्रममा इजरायली राजदूत इस्मुलीक एल्विससहित विभिन्न साहित्यिक तथा सांगीतिक व्यक्तित्व सहभागी थिए । अतिथिहरूले संयुक्त रूपमा कृतिको लोकार्पण गर्दै लेखिकाको सिर्जनात्मक यात्राको प्रशंसा गरेका थिए ।

कार्यक्रममा बोल्दै लेखिका कादम्बरी दाना श्रेष्ठले इजरायलमा केयर गिभरका रूपमा काम गर्दाका अनुभव, संघर्ष र भावनात्मक सम्बन्धलाई पुस्तकमा समेटिएको बताइन् । ‘इमा’ इजरायली शब्द हो, जसको अर्थ नेपालीमा ‘आमा’ हुन्छ । कृतिमा वैदेशिक भूमिमा नेपाली कामदारले भोग्ने भावनात्मक पीडा, माया, आत्मीयता र मानवीय संवेदनाका पक्षहरू प्रस्तुत गरिएको छ ।

प्रमुख अतिथि डा. अञ्जना शाक्यले ‘इमा’ लाई इजरायलमा कार्यरत हजारौं नेपाली केयर गिभरहरूको साझा अनुभव र भावनाको प्रतिनिधित्व गर्ने कृति भएको बताइन् । इजरायली राजदूत एल्विसले नेपाल–इजरायलबीचको सांस्कृतिक सम्बन्ध सुदृढ बनाउन यस्ता कृतिले महत्वपूर्ण भूमिका खेल्ने धारणा व्यक्त गरे ।

समारोहमा अतिथिहरूलाई सम्मानपत्र तथा मायाको चिनो प्रदान गरिएको थियो ।

प्रकाशित मिति: सोमबार, जेठ ४, २०८३ १२:१५

प्रतिक्रिया दिनुहोस्