नयाँ स्वरूपमा ‘फुर्के नम्बर १’

विविध

गृहपृष्ठ
विविध
नयाँ स्वरूपमा ‘फुर्के नम्बर १’

नयाँ स्वरूपमा ‘फुर्के नम्बर १’

बुधबार, जेठ ६, २०८३ रंगसंसार

लोकप्रिय हास्य टेलिशृङ्खला ‘फुर्के नम्बर १’ नयाँ स्वरूपसहित पुनः प्रसारणमा आएको छ । विल्सन विक्रम राईको लेखन तथा निर्देशन रहेको सिरीज प्रत्येक मङ्गलवार ‘तक्मे बुढा डटकम’ युट्युब च्यानलमार्फत सार्वजनिक भइरहेको छ ।

निर्माण टिमका अनुसार यसपटकको एपिसोड अघिल्लाभन्दा अझ परिष्कृत र मनोरञ्जनात्मक बनाइएको छ । नयाँ एपिसोडमा नेपाल र भारतका चर्चित रैथाने कमेडियनहरूलाई एउटै पर्दामा प्रस्तुत गरिएको छ ।

दार्जिलिङका चर्चित ‘राइजिङ ब्वाइज’ समूहका अमित सुब्बा (भक्क्ते) तथा सपन सुब्बाको टोलीका सदस्य सुकरानी सुब्बा र ब्रेजा चाम्लिङ यस एपिसोडका मुख्य आकर्षणका रूपमा रहेका छन् । साथै, सिक्किमका क्यारिकेचर कलाकार सुरज र प्रविन गुरुङको समेत अभिनय देख्न पाइनेछ ।

सिरीजमा नेपालका चर्चित कलाकार कविता आले, बुधी तामाङ, रबिन्द्र झा, रजनी गुरुङ र उदय सुब्बाको अभिनय रहेको छ । प्राविधिक टोलीमा विक्रम डिसी (छायाङ्कन), रविन्द्र खड्का (सम्पादन) र निपेश राई (सह–निर्देशन) आबद्ध छन् ।

निर्मात्री सरीना लामा (राई), डीबी राई तथा निर्माण टिमले ‘फुर्के नम्बर १’ को नयाँ प्रयोगले दर्शकलाई फरक स्वाद र भरपुर मनोरञ्जन दिने विश्वास व्यक्त गरेका छन् ।

प्रकाशित मिति: बुधबार, जेठ ६, २०८३ १०:०७

प्रतिक्रिया दिनुहोस्