‘च्याङ्बाको चेतना विशेषाङ्क

विविध

गृहपृष्ठ
विविध
‘च्याङ्बाको चेतना विशेषाङ्क–सम्झना’लोकार्पण

‘च्याङ्बाको चेतना विशेषाङ्क–सम्झना’लोकार्पण

बुधबार, जेठ ६, २०८३ रंगसंसार

श्री श्री जानकी माता नेपाली धार्मिक संघ, कोलकाताद्वारा प्रकाशित ‘च्याङ्बाको चेतना विशेषाङ्क–सम्झना’ काठमाडौंमा लोकार्पण गरिएको छ । साहित्यिक पत्रकार संघ र जरा फाउन्डेसनको संयुक्त आयोजनामा अनामनगरस्थित डालो रेष्टुरेन्टमा आयोजित कार्यक्रममा विशेषाङ्क सार्वजनिक गरिएको हो ।

कार्यक्रममा प्राडा सुरेन्द्र केसीले नेपाली समुदाय जहाँ पुगे पनि धर्म, संस्कृति र परम्परासँग जोडिएको उल्लेख गर्दै कलकत्ता र दार्जिलिङका नेपालीबीचको भाषिक तथा धार्मिक एकताको चर्चा गरेका थिए । सभापति राधेश्याम लेकालीले साहित्यिक पत्रकार संघको ५३ वर्षदेखिको योगदानबारे चर्चा गर्दै श्री श्री जानकी माता नेपाली धार्मिक संघको भूमिकाको प्रशंसा गरेका थिए ।

कार्यक्रममा गणेशकुमार प्रधान, धर्मराज बराल, नारायण मैनाली, आनन्द कार्कीलगायतले मन्तव्य व्यक्त गरेका थिए भने कवि सुमन थापा सङ्गमले कविता वाचन गरेका थिए । सो अवसरमा विभिन्न व्यक्तित्वलाई सम्मानपत्रसमेत प्रदान गरिएको थियो । कार्यक्रमको सञ्चालन कवि दिव्य गिरीले गरेका थिए ।

प्रकाशित मिति: बुधबार, जेठ ६, २०८३ १३:०९

प्रतिक्रिया दिनुहोस्