‘मिस नेपाल २०२६’ का लागि आवेदन खुला

विविध

गृहपृष्ठ
विविध
‘मिस नेपाल २०२६’ का लागि आवेदन खुला

‘मिस नेपाल २०२६’ का लागि आवेदन खुला

बिहीबार, जेठ ७, २०८३ रंगसंसार

द हिडन ट्रेजरले ‘मिस नेपाल २०२६’ प्रतियोगिताका लागि आवेदन खुला गरेको छ । आयोजकका अनुसार नेपालभित्र तथा विदेशमा बसोबास गरिरहेका इच्छुक नेपाली युवतीहरूले प्रतियोगितामा सहभागिताका लागि आवेदन दिन सक्नेछन् । आवेदन दिने अन्तिम मिति जेठ २५, २०८३ तोकिएको छ ।

प्रतियोगिताको ग्रान्ड फिनाले भदौ १६, २०८३ शनिबार गोदावरीस्थित द प्लाजामा आयोजना गरिने जनाइएको छ । कार्यक्रम क्लिन हिमालयाज टेलिभिजनबाट प्रत्यक्ष प्रसारण हुने आयोजकले जनाएको छ ।

प्रतियोगितामा सहभागी हुन इच्छुक युवतीको न्यूनतम उचाइ ५ फिट ३ इन्च र उमेर १८ देखि २७ वर्षबीच हुनुपर्नेछ । नेपाली नागरिकता भएका युवतीसँगै विदेशमा बसोबास गर्ने नेपालीहरूले गृह मन्त्रालयद्वारा जारी एनआरएन कार्डका आधारमा पनि आवेदन दिन सक्नेछन् । आवेदन दर्ता निःशुल्क राखिएको छ ।

यस वर्षको प्रतियोगिताबाट ‘मिस नेपाल वर्ल्ड’, ‘मिस नेपाल अर्थ’ र ‘मिस नेपाल इन्टरनेसनल’ गरी तीन विजेता चयन गरिनेछन् ।

प्रकाशित मिति: बिहीबार, जेठ ७, २०८३ १०:२६

प्रतिक्रिया दिनुहोस्