‘इलोरा हेयर एन्ड ब्युटी यूनिसेक्स लाउन्ज' सञ्चालनमा

विविध

गृहपृष्ठ
विविध
‘इलोरा हेयर एन्ड ब्युटी यूनिसेक्स लाउन्ज' सञ्चालनमा

‘इलोरा हेयर एन्ड ब्युटी यूनिसेक्स लाउन्ज' सञ्चालनमा

सोमबार, जेठ १८, २०८३ रंगसंसार

काठमाडौँको कमलादीस्थित कुलरत्न मार्गमा ‘इलोरा हेयर एन्ड ब्युटी यूनिसेक्स लाउन्ज’ सञ्चालनमा आएको छ । आइतबार आयोजित विशेष समारोहमा गायक निमा रुम्बा र रामकृष्ण ढकाल ले संयुक्त रूपमा उद्घाटन गर्दै लाउन्जको शुभारम्भ गरेका हुन् ।

उद्घाटन कार्यक्रममा चर्चित मेकअप आर्टिस्ट तथा सौन्दर्य इन्फ्लुएन्सर सुस्मा कार्कीको पनि सहभागिता रहेको थियो । शुभारम्भको अवसरमा लाउन्जले आफ्ना सम्पूर्ण सेवामा एक सातासम्म ५० प्रतिशत छुट प्रदान गर्ने घोषणा गरेको छ ।

‘तपाईँको विश्वास, हाम्रो हेरचाह’ भन्ने नारासहित सञ्चालनमा आएको इलोराले महिला तथा पुरुष दुवैका लागि विशेषज्ञद्वारा सेवा, प्रिमियम उत्पादनको प्रयोग र ग्राहक सन्तुष्टिलाई प्राथमिकतामा राख्ने जनाएको छ ।

मोडल, अभिनेता तथा उद्यमी मन्चिन शाक्य र शशी पराजुलीको सहकार्यमा सञ्चालनमा आएको लाउन्जले गुणस्तरीय सेवामा कुनै सम्झौता नगर्ने प्रतिबद्धता व्यक्त गरेको छ । सञ्चालक शाक्यले ग्राहकलाई उत्कृष्ट अनुभव प्रदान गर्न शुद्ध र आधिकारिक उत्पादन मात्र प्रयोग गरिने बताए । उद्घाटन समारोहमा उपस्थित कलाकारहरूले पनि इलोराको सफलताको शुभकामना व्यक्त गर्दै यसले सौन्दर्य सेवामा नयाँ मानक स्थापित गर्ने विश्वास व्यक्त गरे ।

प्रकाशित मिति: सोमबार, जेठ १८, २०८३ १०:०४

प्रतिक्रिया दिनुहोस्