‘काव्य श्रवण’को सुरुआत

विविध

गृहपृष्ठ
विविध
‘काव्य श्रवण’को सुरुआत

‘काव्य श्रवण’को सुरुआत

बुधबार, जेठ २७, २०८३ रंगसंसार

काठमाडौंको कालिकानगरस्थित नेपालयको ‘आरशाला’मा कवि मनु मन्जिलको सशुल्क एकल कविता वाचन कार्यक्रम सम्पन्न भएको छ । ‘काव्य श्रवण’ नाम दिइएको यो शृंखला अब हरेक अंग्रेजी महिनाको पहिलो शुक्रबार नियमित रूपमा आयोजना गरिनेछ ।

कवि तथा आख्यानकार श्रवण मुकारुङसँगको संवादमा मनु मन्जिलले आफ्नो कविता यात्राको सुरुआती अनुभव र विश्व काव्य साहित्यबारे धारणा राखेका थिए । उनले पश्चिमी साहित्य संरचनागत रूपमा सशक्त भए पनि दक्षिण एसियाली कवितामा भावनाको गहिराइ बढी रहेको बताए।

कार्यक्रममा मन्जिलले आफ्ना चर्चित कविताहरू वाचन गर्नुका साथै तिनको सिर्जना पृष्ठभूमिबारे पनि चर्चा गरे । खचाखच दर्शक उपस्थित रहेको कार्यक्रममा कविता प्रेमीहरूको उल्लेखनीय सहभागिता देखिएको थियो ।

नेपालयले सहभागीहरूलाई ‘ई–कविता’ शृंखलाको वार्षिक सदस्यता निःशुल्क उपलब्ध गराउने जानकारी दिएको छ । आयोजकका अनुसार ‘काव्य श्रवण’को दोस्रो शृंखलामा कवि स्वप्निल स्मृति प्रस्तुत हुनेछन् ।

प्रकाशित मिति: बुधबार, जेठ २७, २०८३ १०:१६

प्रतिक्रिया दिनुहोस्