‘सेतो धरती’ नाटक पुनः मञ्चन हुँदै

विविध

गृहपृष्ठ
विविध
‘सेतो धरती’ नाटक पुनः मञ्चन हुँदै

‘सेतो धरती’ नाटक पुनः मञ्चन हुँदै

सोमबार, असार ८, २०८३ रंगसंसार

मदन पुरस्कार विजेता लेखक अमर न्यौपानेको चर्चित उपन्यास ‘सेतो धरती’ मा आधारित नाटक पुनः मञ्चन हुने भएको छ । कान्तिपुर थिएटरले दर्शकको उच्च मागलाई मध्यनजर गर्दै आगामी शुक्रबारदेखि नाटकलाई फेरि मञ्चनमा ल्याउने निर्णय गरेको हो ।

थिएटर प्रमुख प्रकाश पुरी का अनुसार नाटक शुक्रबारदेखि १६ असारसम्म नियमित रूपमा मञ्चन हुनेछ । यसअघि १९ वैशाखसम्म प्रदर्शन गरिएको नाटकले करिब ६ हजार दर्शकको साथ पाएको थियो ।

यस नाटकमार्फत चर्चित अभिनेत्री बेनिशा हमालले पहिलोपटक रंगमञ्चमा अभिनय गरेकी हुन् । उनले नाटकमा शीर्ष पात्रको भूमिका निर्वाह गरेकी छन् । सुन्दर धितालको निर्देशन रहेको नाटकमा कान्तिपुर थिएटरका करिब ३० जना कलाकारको पनि अभिनय रहेको छ ।

कान्तिपुर थिएटरमा हालै मञ्चन भएको नाटक ‘महाभारत’ आइतबार समापन भएको थियो । त्यसअघि ‘समर लभ’ दर्शकमाझ प्रस्तुत गरिएको थियो । ‘सेतो धरती’पछि भने विश्वेश्वरप्रसाद कोइरालाको चर्चित कृति ‘तीन घुम्ती’ मा आधारित नाटक मञ्चन गर्ने तयारी भइरहेको थिएटरले जनाएको छ ।

प्रकाशित मिति: सोमबार, असार ८, २०८३ १६:३२

प्रतिक्रिया दिनुहोस्