‘फेस अफ नेपाल २०२६’ का लागि आवेदन खुला

विविध

गृहपृष्ठ
विविध
‘फेस अफ नेपाल २०२६’ का लागि आवेदन खुला

‘फेस अफ नेपाल २०२६’ का लागि आवेदन खुला

शुक्रबार, असार १९, २०८३ रंगसंसार

सौन्दर्य प्रतियोगिता ‘फेस अफ नेपाल २०२६’ का लागि आवेदन खुला गरिएको छ । आयोजक संस्था एमएस प्रोडक्सनले पत्रकार सम्मेलनमार्फत प्रतियोगिताको नयाँ संस्करण घोषणा गर्दै १७ देखि ३० वर्ष उमेर समूहका नेपाली पुरुष तथा महिलालाई सहभागिताका लागि आह्वान गरेको हो ।

इच्छुकले प्रतियोगिताको आधिकारिक सामाजिक सञ्जाल पेज तथा भोटिङ पार्टनर एभेन्टोजमार्फत आवेदन दिन सक्नेछन् । प्रतियोगिता विभिन्न चरणमा सञ्चालन हुने र सहभागीको आत्मविश्वास, व्यक्तित्व, प्रतिभा, सिर्जनशीलता तथा मोडलिङ क्षमताको मूल्यांकन गरिने आयोजकले जनाएको छ ।

प्रतियोगितामा सहभागीले फिटनेस, व्यक्तित्व विकास, ग्रुमिङ, व्यावसायिक स्टाइलिङ, मोडलिङ तथा स्टेज प्रस्तुति सम्बन्धी तालिमसमेत प्राप्त गर्नेछन् । पहिलो चरणको अडिसन आगामी जुलाई ११ (असार २७) मा हुने तय भएको छ भने ग्रान्ड फिनाले अगस्ट ३० (भदौ १४) मा आयोजना गरिनेछ ।

प्रतियोगिताका विजेताले दक्षिण कोरियामा हुने एसिया मोडल फेस्टिभलमा नेपालको प्रतिनिधित्व गर्ने अवसर पाउनेछन् । राष्ट्रिय निर्देशक मेनुका माझीले प्रतियोगिताले नेपाली युवालाई राष्ट्रिय तथा अन्तर्राष्ट्रिय मोडलिङ क्षेत्रमा आफ्नो क्षमता प्रदर्शन गर्ने महत्वपूर्ण अवसर प्रदान गर्ने बताउँदै सहभागिताका लागि उचाइको कुनै मापदण्ड नराखिएको जानकारी दिइन् ।

प्रकाशित मिति: शुक्रबार, असार १९, २०८३ १५:२६

प्रतिक्रिया दिनुहोस्