चलचित्र पत्रकार संघद्वारा सम्मान तथा पुरस्कार प्रदान

विविध

गृहपृष्ठ
विविध
चलचित्र पत्रकार संघद्वारा सम्मान तथा पुरस्कार प्रदान

चलचित्र पत्रकार संघद्वारा सम्मान तथा पुरस्कार प्रदान रंगसंसार सम्पादक शान्तिप्रिय सम्मानित

आइतबार, असार ५, २०७९ रंगसंसार

चलचित्र पत्रकार संघ, नेपालले २३ औं वार्षिक उत्सवको अवसर मा तीन वर्षको चलचित्र पत्रकारीता सम्मान तथा पुरस्कार प्रदान गरेको छ। हरेकबर्ष जेठ ७गते चलचित्र पत्रकारीता दिवस मनाउने गरीन्छ तर यस पटक भने कोरोनाका कारण रोकीएको ३ बर्षको चलचित्र पत्रकारीता पुरस्कार तथा सम्मान एकै पटक प्रदान गरीएको थियो ।

शनिबार आयोजीत समारोहमा यस संस्थाको स्थापनाकाल देखिनै संघको महासचिव जस्तो गरिमामय पदमा रहँदै दुई पटक अध्यक्ष तथा दुइ पटक महासचिव भइसकेका सक्रिय रंग पत्रकार शान्तिप्रियलाई ‘राष्ट्रिय चलचित्र पत्रकारिता सम्मान २०७७’ प्रदान गरीएको थियो भने लामो समयदेखि रंग पत्रकारितामा सक्रिय रहदै आएका राजन घिमिरेलाई पनि सोहि सम्मान प्रदान गरिएको थियो । राष्ट्रिय चलचित्र पत्रकारिता पुरस्कार २०७७’ बाट दिवाकर मैनाली र आर.डि. शृंखला(राजनदाहाल) पुरस्कृत गरीएको थियो।

त्यस्तै, राष्ट्रिय चलचित्र पत्रकारिता सम्मान २०७८ बाट सुव्रतराजआचार्य र सन्दीप सापकोटालाई प्रदान गरीयो भने , राष्ट्रिय चलचित्र पत्रकारिता पुरस्कार २०७८ बाटकुमार आचार्य र गीता अधिकारीलाई पु्स्कृत गरीयो ।
राष्ट्रिय चलचित्र पत्रकारिता प्रोत्साहन पुरस्कार २०७८ मनोज न्यौपाने र राष्ट्रिय मोफसल चलचित्रपत्रकारिता पुरस्कार २०७८ पोखराका रेम रसाइलीलाई प्रदान गरिएको थियो ।
त्यस्तै, राष्ट्रिय चलचित्र पत्रकारिता सम्मान २०७९ राजारामफुयाँल र लक्ष्मण सुवेदीलाई सम्मान गरीएको थियो ।

चलचित्र पत्रकारिता पुरस्कार २०७९ बाट नेमिष गौतम र विष्णु प्रसाद सुवेदी, पुरस्कृत हुँदा राष्ट्रिय चलचित्र पत्रकारिता प्रोत्साहन पुरस्कार २०७९ उद्दव रसाइली र राष्ट्रिय मोफसल चलचित्र पत्रकारिता पुरस्कार २०७९ मकवानपुरका श्रीराम अर्जुनलाई प्रदान गरिएको थियो ।
चलचित्र पत्रकारिता पुरस्कार ५१ हजार राशी र मोफसल चलचित्र पत्रकारिता पुरस्कार २५ हजार रहेको थियो ।
नेपाल सरकारका प्रवक्ताएंव सुचनातथा सञ्चार मन्त्री ज्ञानेन्द्र बहादुर कार्कीले पुरस्कार प्रदान गर्नुभएको थियो । समारोह मा अभिनेता राजेश हमाल,भुवन केसी लगायत कलाकारका साथै बिभिन्न क्षेत्रका ब्यक्रिहरुको सहभागिता रहेको थियो ।