चर्चित सञ्चारकर्मी नरेश भट्टराईलाई विन्ध्यवासिनी कला पत्रकारिता सम्मान

विविध

गृहपृष्ठ
विविध
चर्चित सञ्चारकर्मी नरेश भट्टराईलाई विन्ध्यवासिनी कला पत्रकारिता सम्मान

चर्चित सञ्चारकर्मी नरेश भट्टराईलाई विन्ध्यवासिनी कला पत्रकारिता सम्मान

आइतबार, चैत १९, २०७९ रंगसंसार

विन्ध्यवासिनी म्युजिक प्रालिले यस वर्षको विन्ध्यवासिनी कला पत्रकारिता सम्मान चर्चित नरेश भट्टराईलाई प्रदान गर्ने भएको छ ।

‘बिन्ध्यबासीनी कला पत्रकारिता सम्मान २०७९’ पत्रकार नरेश भट्टराई प्रधान गर्ने भएको छ । विगत २५ वर्षदेखि विभिन्न सञ्चार गृहसँग आबद्ध रहेर गीत संगीत र स्रष्टा प्रवर्द्धन एवं विकासमा योगदान पुर्याएको भन्दै भट्टराईलाई सम्मान प्रदान गर्ने निर्णय भएको फाउन्डेसनकी अध्यक्ष लिना शर्मा रेग्मीले जानकारी दिइन् । कला पत्रकारिता सम्मान २५ हजार राशिको छ ।

नेपाली संगीत क्षेत्रको विकासका लागि २५ वर्षदेखि क्रियाशील विन्ध्यवासिनी म्युजिक प्रालिले १३ वर्षदेखि वार्षिक रूपमा विन्ध्यवासिनी म्युजिक अवार्ड गर्दै आइरहेको छ । निजी क्षेत्रबाट भएको यस्तो सम्मान नेपाली संगीतको इतिहासमै पहिलो भएको रेग्मीले बताइन् ।

यो पुरस्कारबाट यसअघि विदुर गिरी, नवराज लम्साल, कृष्ण भट्टराई, सुमन खरेल, डब्बु क्षेत्री, रमण घिमिरे, राजेश खनाल, अनन्त वाग्ले र श्याम स्मृत सम्मानित भइसकेका छन् ।

प्रकाशित मिति: आइतबार, चैत १९, २०७९ १६:१२

प्रतिक्रिया दिनुहोस्