मिसेस युनिभर्स २०२३को लागि फिलिपिन्स प्रस्थान गर्दै विमला

विविध

गृहपृष्ठ
विविध
मिसेस युनिभर्स २०२३को लागि फिलिपिन्स प्रस्थान गर्दै विमला

मिसेस युनिभर्स २०२३को लागि फिलिपिन्स प्रस्थान गर्दै विमला

आइतबार, असोज १४, २०८० रंगसंसार

फिलिपिन्समा हुने ४६औँ मिसेस् युनिभर्स प्रतियोगिताको ग्राण्ड फिनालेमा भाग लिन लन्डनकी विमला बुढाथोकी फिलिपिन्स प्रस्थान गरेकी छन् ।

लन्डन फेसन हाउसले गत साता गरेको कोरोनेसन नाइटु मा उनलाई टुडेज वुमेनकी प्रेसिडेन्ट मनीषा डङ्गोल र मिसेस् नेपाल युनिभर्स २०२२ की विजेता सन्नी शाहीले मिसेस् नेपाल युनिभर्स २०२३ को ताज लगाइदिएका थिए ।

विश्वभरका सयभन्दा बढी मुलुकको सहभागिता रहने बताइएको मिसेस युनिभर्स २०२३ मा सहभागिता जनाउन उनी आज लन्डनबाट बहराइन हुँदै फिलिपिन्स प्रस्थान गरेकी हुन् ।

८ अक्टोबरमा हुने ग्रान्ड फिनाले अघि विमलाले १ अक्टोबर आइतबारदेखि निरन्तर विभिन्न प्रशिक्षण र क्रियाकलापमा भाग लिनेछन् ।

नेपालको झन्डा बोकेर लन्डनस्थित हिथ्रो विमानस्थलबाट फिलिपिन्स लाग्दै गर्दा विमलाले भनिन्, ‘नेपालको प्रतिनिधित्व गर्ने अवसर पाएकोमा भाग्यमानी ठानेकी छु । विभिन्न मुलुकका सुन्दरीहरुसँग अन्तरक्रिया र प्रतिस्पर्धा गर्न पाउँदा निकै उत्साहित छु ।’

प्रकाशित मिति: आइतबार, असोज १४, २०८० १५:१३

प्रतिक्रिया दिनुहोस्