दाङमा खुल्यो पहिलो मल्टिप्लेक्स सिनेमा हल

विविध

गृहपृष्ठ
विविध
दाङमा खुल्यो पहिलो मल्टिप्लेक्स सिनेमा हल

दाङमा खुल्यो पहिलो मल्टिप्लेक्स सिनेमा हल

शुक्रबार, असोज १९, २०८० रंगसंसार

दाङमा पहिलो मल्टिप्लेक्स सिनेमा हल खुलेको छ । दुई वटा स्क्रिनसहित चार सय बाह्र सिट क्षमतासहितको यो हलको नाम ‘भिएफएक्स सिनेमाज्’ राखिएको छ । घोराही उपमहानगरपालिका वडा नं ८ नारायणपुरस्थित सौँडीकुलामा भिएफएक्स सिनेमाज् प्रा।ली।ले हल सञ्चालनमा ल्याउन लागेको हो । यो हल घोराही, तुलसीपुर र नारायणपुरका झन्डै ४ लाख जनसङ्ख्यालाई लक्षित गरेर स्थापना गरिएको हो ।

विजय रावत प्रबन्ध निर्देशक र चेतन जङ्ग राना अध्यक्ष रहने गरी संयुक्त लगानीमा तयार भएको हलको औपचारिक उद्घाटन यही असोज २६ गते गरिने तयारी भएको छ । नेपाली चलचित्र ‘परदेशी २’ प्रदर्शन गर्दै हल सुरुवात हुने र सो दिन हलमा लाग्ने अन्य सबै स्वदेशी तथा विदेशी चलचित्रहरू पनि प्रदर्शन गरिने हलमा प्रबन्ध निर्देशक रावतले बताए । रावतका अनुसार करिब २० करोड लगानीमा हल तयार भएको हो । सो लगानी हलले चर्चेको सबै जग्गा सहितको हो ।

रावतले दाङमा आवश्यकताकै आधारमा हल सुरु गरेको बताए । उनले भने, “नेपाली चलचित्रको व्यवसायको हिसाबले दाङ पहिले देखि नै अगाडी रहँदै आएको छ । अन्य स्थानहरूमा प्राविधिक रूपमा सम्पन्न मल्टिप्लेक्स हलहरू सञ्चालनमा आइसक्दा पनि दाङमा सुरु भएको थिएन । सोही खाडललाई पुर्न हामीले हल सञ्चालनमा ल्याउन लागेका हौँ ।”

दाङ पछि काठमाडौँमा हल खोलिने र त्यस पछि देशैभर विस्तार गरिने योजना रहेको रावतले बताए ।