प्रकाशको विवादित क्लिपलाई लिएर निर्माण टिमले माग्यो माफी

विविध

गृहपृष्ठ
विविध
प्रकाशको विवादित क्लिपलाई लिएर निर्माण टिमले माग्यो माफी

प्रकाशको विवादित क्लिपलाई लिएर निर्माण टिमले माग्यो माफी

बिहीबार, मंसिर २१, २०८० रंगसंसार

चार महिना अगाडि प्रकाश सपुतको अभिनय रहेको तीज गीत् ‘कमाउने नी हो रमाउने नी हो’ को भिडियोमा सामाजिक सञ्जालमा देखाइएको जस्तो दृश्य प्रयोग नभएको गीतको निर्माण टिमले जनाएको छ ।

पुरानो म्युजिक भिडियो छायांकन बेलाको क्लिपलाई लिएर केही दिनयता यसका मोडल प्रकाश सपूतको आलोचना भइरहेको छ ।

उक्त दृश्यमा सपूत र मोडल जुना विश्वकर्मा वसन्तपुरको एक पानी ट्यांकीमाथि नाचिरहेका छन् । उक्त ट्याङकी ‘जीवित देवी’ कुमारीले खानेपानीका लागि प्रयोग गर्ने रहेको र ट्याङकीमाथि नाचेर सपूतले नेवाः सभ्यता र संस्कृतिमाथि अपमान गरेको भन्दै उनको आलोचना गरिएको हो ।

बुधवार गीतको निर्माण कम्पनी शुभारम्भ डिजिटल म्युजिक प्रा।लिले एक विज्ञप्ति जारी गर्दै उक्त दृश्य आधिकारिक भिडियोमा प्रयोग नभएको प्रष्ट पारेको हो । साथै, सुटिङ हुँदा दर्शकहरूले खिचेर सामाजिक सञ्जालमा राखेको भिडियो भाइरल भएको कम्पनीले स्पष्ट पारेको छ ।

आफूहरूले अनुमति लिएर महानगरपालिकालाई नियमानुसार राजश्व बुझाएर उक्त गीत खिचिएको समेत निर्माण कम्पनीले जनाएको छ । भिडियोमा समावेश नगरिएको क्लिपलाई लिएर गीतका मोडल प्रकाश सपूतमाथि गालीगलौज तथा लाञ्छना लगाउने कार्य नगर्न समेत कम्पनीले सबैमा आग्रह गरेको छ ।

‘हाम्रो उद्देश्य कसैको आस्था, प्रथा, परम्परा र संस्कृतिप्रति अहित हुने कार्य गर्नु होइन । अञ्जानमा भएको कार्यबाट कसैमा आँच पर्न गएको भएमा हामी क्षमाप्रार्थी छौँ’ विज्ञप्‍तिमा भनिएको छ ।