नाटक ‘गंगालाल’को समय थपिएको छ । दर्शकको मागपछि शिल्पी थिएटरमा मञ्चन भइरहेको यो नाटक अब फागुन ५ गतेसम्म मञ्चन हुने विज्ञप्तिमार्फत जानकारी दिएको छ ।
माघ १९ गतेदेखि २९ गतेसम्म मञ्चन हुने भनिएको थियो । नाटकमा दर्शक बढेकाले मञ्चनको समय लम्बाइएको नाटक निर्देशक तथा लेखक चे शंकरले बताए । शहीद गंगालाल श्रेष्ठको जीवनमा आधारित यो नाटक गंगालाल फाउन्डेसन र गार्डेन थिएटरको सहकार्यमा निर्माण भएको हो ।
यो नाटकमा शहीद धर्मभक्त, शुक्रराज र दशरथका साथै टंकप्रसाद आचार्य, गणेशमान सिंह र कवि सिद्धिचरण श्रेष्ठसमेत पात्र बनेर मञ्चमा देखिएका छन् ।
नाटकमा निर्भिक, शकु शाह, इनारा बानु, दीपक पछल्दंग्या, सन्दीप डंगोल, प्रदीपकुमार चौधरी, निरज दाहाल, विश्वास मानन्धर, ऋषिकेश, कृमु एडेन बात्री, एलिजा तुम्बापो, रेवन राई, रोशन चन्दले अभिनय गरेका छन् ।
