नेपाल-युरोपियन युनियन फिल्म फेस्टिभलको १३ औं संस्करण आयोजना हुने भएको छ । पत्रकार सम्मेलनमा युरोपियन युनियनकी उपप्रमुख डा। जोएल इभोनेटले नेपालसँग दौत्य सम्बन्ध स्थापना भएको ५० वर्षको छेको भएकाले पनि यस वर्षको संस्करण महत्वपूर्ण रहेको बताइन् ।
‘युरोपियन युनियन–नेपाल सम्बन्धको ५० वर्ष:सांस्कृतिक विविधताको उत्सव’ नारासहित महोत्सव हुन लागेको हो । सुन्धारास्थित सीटीसी सिनेमामा चैत ७ देखि १० गतेसम्म महोत्सव आयोजना हुँदैछ ।
ओपनिङ फिल्मको रुपमा ओस्कार अवार्डमा मनोनित मार्टिन म्याकडोनाग निर्देशित ‘द ब्यानसिस अफ इनीसेरिन’ छ । यो फिल्मको पुनः प्रदर्शन चैत ९ गते हुने जनाइएको छ । शान्ता नेपाली निर्देशित ‘डाय ड्रीम्स’ पनि स्क्रिनिङ हुनेछ ।
हरेक प्रदर्शनमा एउटा नेपाली र अर्को युरोपियन गरी दुई फिल्म देखाइनेछ । महोत्सवका लागि नेपाली सर्ट फिल्म छनोट गर्न प्रतिस्पर्धा आह्वान गरिएको थियो । विजेता फिल्मका निर्देशकहरु शरद ऋतुमा ब्रसेल्समा हुने नेपाली फिल्म महोत्सवमा सहभागी हुने जनाइएको छ ।
महोत्सवमा ९ युरोपेली र ११ नेपाली फिल्म स्क्रिनिङ हुनेछन् । नेपाली लाइनअपतर्फ शान्ता नेपालीको डाय ड्रिम्ससहित गोपाल आचार्य निर्देशित डिभिनेसन , समाल बज्राचार्य निर्देशित हावाम्यान, निमा गेलु शेर्पा निर्देशित काठमाडौं मनसुन, अतिन श्रेष्ठ निर्देशित मखमली उडान, रजिन महर्जन निर्देशित लेट्स टक् पिरियड, मिराज रोशन ठकुरी निर्देशित रातो पछ्यौरी, आकांक्षा कार्की निर्देशित सनाई, स्वोयन मास्के मानन्धर निर्देशित द बुल, द काउ, द काल्फ, सन्तोष दाहाल निर्देशित द मिराज र अनिल कुर्मी निर्देशित रिल प्रदर्शन हुनेछन् ।
महोत्सव अप्रिल १० र ११ गते सुदूरपश्चिम प्रदेशमा समेत आयोजना हुनेछ । सुदूरपश्चिम विश्वविद्यालयको हलमा फिल्म स्क्रिनिङ हुनेछन् । नेपालगञ्जमा अप्रिलमा १५ फिल्म स्क्रिनिङ हुनेछन् । कर्णाली प्रदेशको सुर्खेत वीरेन्द्रनगरमा १९ र २० अप्रिलमा महोत्सव हुनेछ ।
‘फिल्म क्रिटिक्स कम्पिटिसन’ ९चलचित्र समालोचना प्रतियोगिता० समेत आयोजना हुने भएको छ । प्रतियोगितामा उत्कृष्ट चलचित्र समीक्षा र समालोचनालाई ‘फिल्म क्रिटिक्स अवार्ड’ प्रदान गरिने भएको छ । यस प्रतिस्पर्धाका विजेता पनि यसैवर्षको शरदमा ब्रसेल्समा आयोजना हुने नेपाली चलचित्र महोत्सवमा सहभागी हुने जनाइएको छ