बैशाख २७मा राष्ट्रिय महिला मादल वादन प्रतियोगिता आयोजना हुने

विविध

गृहपृष्ठ
विविध
बैशाख २७मा राष्ट्रिय महिला मादल वादन प्रतियोगिता आयोजना हुने

बैशाख २७मा राष्ट्रिय महिला मादल वादन प्रतियोगिता आयोजना हुने

आइतबार, वैशाख २३, २०८१ रंगसंसार

कर्णाली कलाकार प्रतिष्ठानले बैशाख २७ गते राष्ट्रिय नाचघर जमलमा पहिलोपटक राष्ट्रिय महिला मादल वादन प्रतियोगिता आयोजना गर्न लागेको छ ।

संगीत तथा नाट्य प्रज्ञा प्रतिष्ठानको सहकार्यमा हुने प्रतियोगिताको उद्देश्य महिलाको अन्तरनिहित प्रतिभाको उजागर गर्नु र साथै मौलिक बाजा मादलको संरक्षण र विकास गर्नु रहेको उल्लेख छ ।

‘नारीको कला, नारीको शान’ भन्ने मूल नारासहित हुने प्रतियोगिताका लागि २५ गतेसम्म आवेदन दिन सकिने भएको छ । पहिलो हुनेलाई ५५ हजार, दोस्रोलाई ३५ हजार, तेस्रो हुनेलाई २५ हजार र सान्त्वना हुनेलाई १५ हजार रुपैयाँ पुरस्कार प्रदान गरिने भएको छ ।

अहिलेसम्म ४२ जनाले आवेदन दिएको कर्णाली कलाकार प्रतिष्ठानकी अध्यक्ष तथा प्राज्ञ टीका पुनले जानकारी दिइन् ।

प्रकाशित मिति: आइतबार, वैशाख २३, २०८१ १६:१७

प्रतिक्रिया दिनुहोस्