सनी देओलको कान्छा छोरा राजवीरको डेब्यू फिल्म ‘दोनो’को ट्रेलर सार्वजनिक

बलिउड / हलिउड

गृहपृष्ठ
बलिउड / हलिउड
सनी देओलको कान्छा छोरा राजवीरको डेब्यू फिल्म ‘दोनो’को ट्रेलर सार्वजनिक

सनी देओलको कान्छा छोरा राजवीरको डेब्यू फिल्म ‘दोनो’को ट्रेलर सार्वजनिक

सोमबार, भदौ १८, २०८० रंगसंसार

बलिउड सुपरस्टार सनी देओलको कान्छा छोरा राजवीर देओलको डेब्यू फिल्म ‘दोनो’को सोमबार ट्रेलर सार्वजनिक भएको छ । जेठा छोरा करण देओलले सन् २०१९ मा फिल्म ‘पल पल दिल के पास’बाट अभिनय करिअरको सुरुवात गरेका थिए । तर, उनको पहिलो फिल्म नै फ्लप भयो ।

राजवीरको पहिलो फिल्ममा उनको जोडी पलोमा थकेरियासँग बाँधिएको छ । पलोमाको पनि यो डेब्यू फिल्म हो । उनी बलिउडकी चर्चित अभिनेत्री पूनम ढिल्लोकी छोरी हुन् । ट्रेलरमा राजवीर र पलोमाको रोमान्टिक केमेस्ट्रीलाई देखाइएको छ । तर, राजवीरको अभिनय अत्यन्त कमजोर देखिन्छ । यद्यपि, उनी चार्मिङ देखिएका छन् ।

राजश्री प्रोडक्सनको ब्यानरमा निर्माण भएको फिल्मलाई अवनीश एस बडजात्याले निर्देशन गरेका हुन् । उनको पनि यो पहिलो निर्देशकीय फिल्म हो । यसअघि राजश्री प्रोडक्सनको प्रायः फिल्ममा असिस्टेन्ट डाइरेक्टरको रुपमा काम गरेको अनुभव उनीसँग छ । अक्टोबर ५ देखि फिल्म प्रदर्शनमा आउने तयारीमा रहेको छ ।

मुम्बईमा आयोजित ‘दोनो’को ट्रेलर सार्वजनिक कार्यक्रममा अभिनेता सनी देओलले आफूले फिल्म हेरिसकेको र राम्रो बनेको दाबी गरे । उनले भनेका छन्, ‘मैले यो फिल्म हेरिसकेको छु । यो आधुनिक समयको लभस्टोरी हो । ‘सोचा ना था’ फिल्म जस्तै लाग्नेछ । सायद त्योभन्दा पनि राम्रो ।’

प्रकाशित मिति: सोमबार, भदौ १८, २०८० १५:३६

प्रतिक्रिया दिनुहोस्