मंसिर १५ गतेबाट नाटक ‘ब्युँझिएको सिरानी’ पुनः मञ्चन हुने

काव्य शृङ्खला

गृहपृष्ठ
काव्य शृङ्खला
मंसिर १५ गतेबाट नाटक ‘ब्युँझिएको सिरानी’ पुनः मञ्चन हुने

मंसिर १५ गतेबाट नाटक ‘ब्युँझिएको सिरानी’ पुनः मञ्चन हुने

सोमबार, मंसिर ४, २०८० रंगसंसार

जेडी तमुले निर्देशन गरेको नाटक ‘ब्युँझिएको सिरानी पुनः मञ्चन हुँदैछ । यो नाटक शिल्पी थियटरमा मञ्चन हुन लागेको हो ।

बत्तिसपुतलीस्थित शिल्पी थियटरमा मंसिर १५ गतेबाट नाटक मञ्चन हुने भएको छ । वाइ स्ट्यान्ड डान्स स्कुलको प्रस्तुति र इलाम गुरुङ सोसाइटीको सह प्रस्तुतिमा तयार हुने नाटकलाई कलाकार तथा कोरियोग्राफर जेडीले निर्देशन गरेका हुन् ।

यो नाटक पहिलाभन्दा अझै नयाँ डिजाइनमा देखाइने जेडीले जानकारी दिए । नाटकमा रूपेश लामा, वेदना राई, सुरज तमू, मनि के राई, सुजन सेनेहाङ, सृष्टि महर्जन, रेनुका घर्ति मगर, मुस्कान राउत, लुनिभा महर्जन, रामचन्द्र मनेरूलगायत कलाकारको अभिनय रहनेछ ।

अनिल सुब्बाले कला निर्देशन गर्ने नाटकमा गायिका झुमा लिम्बुले संगीत संयोजन गर्नेछिन् । नवीन बयल्कोटी र आयुषले नाटकमा संगीत भर्नेछन् ।

प्रकाशित मिति: सोमबार, मंसिर ४, २०८० १४:४६

प्रतिक्रिया दिनुहोस्