मिस नेपाल ‘टप मोडल’ प्रतिस्पर्धा सम्पन्न

विविध

गृहपृष्ठ
विविध
मिस नेपाल ‘टप मोडल’ प्रतिस्पर्धा सम्पन्न

मिस नेपाल ‘टप मोडल’ प्रतिस्पर्धा सम्पन्न

सोमबार, असार २९, २०८३ रंगसंसार

यसवर्षको मिस नेपालको महत्वपूर्ण सहविधा ‘टप मोडल’ प्रतिस्पर्धा सम्पन्न भएको छ । कजारियाको प्रस्तुतिमा आयोजित उक्त राउन्डमा २४ जना फाइनलिस्ट सुन्दरीले आकर्षक र्‍याम्प प्रस्तुति दिएका थिए ।

प्रतिस्पर्धामा चर्चित भियतनामी फेसन डिजाइनर ‘ना मोट ९१९२’ले तयार पारेको ‘टप अफ द वर्ल्ड’ थिममा आधारित विशेष पहिरन लगाएर सहभागीहरू र्‍याम्पमा उत्रिएका थिए । उनी विशेष रूपमा यस प्रतिस्पर्धाका लागि नेपाल आएका हुन् ।

‘टप मोडल’ विधाको विजेताले आगामी अगस्ट १ मा हुने मिस नेपालको ग्रान्ड फिनालेमा सिधै अन्तिम १२ मा स्थान सुरक्षित गर्ने अवसर पाउने भएकाले यो राउन्डलाई निकै महत्वपूर्ण मानिएको छ । यही कारण पनि फाइनलिस्टहरूले उत्कृष्ट प्रस्तुति दिन विशेष तयारी गरेका थिए ।

आयोजक संस्था द हिडन ट्रेजरका निर्देशक प्रमोद कंशाकारका अनुसार ‘टप मोडल’को विजेताको घोषणा भने ग्रान्ड फिनालेकै मञ्चबाट गरिनेछ ।

यस प्रतिस्पर्धाको निर्णायक मण्डलमा डिजाइनर ना मोट ९१९२, पूर्व मिस नेपाल अस्मी श्रेष्ठ, मोडल तथा अभिनेता अनुपविक्रम शाही, पूर्व मिस नेपाल इन्टरनेसनल न्यान्सी खड्कालगायतको सहभागिता रहेको थियो ।

प्रकाशित मिति: सोमबार, असार २९, २०८३ १२:१६

प्रतिक्रिया दिनुहोस्