अन्तर्राष्ट्रिय फेसन मञ्चमा चम्कियो नेपालको गौरव

विविध

गृहपृष्ठ
विविध
अन्तर्राष्ट्रिय फेसन मञ्चमा चम्कियो नेपालको गौरव

अन्तर्राष्ट्रिय फेसन मञ्चमा चम्कियो नेपालको गौरव

मंगलबार, असार ३०, २०८३ रंगसंसार

नेपाली बालप्रतिभाहरूले अन्तर्राष्ट्रिय फेसन मञ्चमा उत्कृष्ट प्रदर्शन गर्दै नेपालको प्रतिष्ठा विश्वसामु उँचो बनाएका छन् । किड्स किङ एण्ड क्विन २०२६ का विजेता शान्भिका बज्राचार्य, नामदेन सुब्बा, प्रान्सी तुलाधर र वेदाश्री एल रानाले नेपालका तर्फबाट भियतनामको राजधानी हानोईमा आयोजित इन्टरनेशनल फेसन विक २०२६ मा सहभागिता जनाउँदै उल्लेखनीय सफलता हासिल गरेका हुन् ।

जुलाई ९, २०२६ मा सम्पन्न प्रतियोगितामा १३ राष्ट्रका प्रतिभावान् प्रतिस्पर्धीबीच नेपाली टोलीले आफ्नो क्षमता, आत्मविश्वास, अनुशासन तथा नेपाली कला–संस्कृतिको प्रभावशाली प्रस्तुति राख्दै निर्णायक र अन्तर्राष्ट्रिय दर्शकको मन जित्न सफल भएको जनाइएको छ । उनीहरूको प्रस्तुतिले नेपाली बालप्रतिभाको विश्वस्तरीय प्रतिस्पर्धात्मक क्षमता पुनः प्रमाणित गरेको आयोजकले जनाएको छ ।

हानोईमा सम्पन्न उक्त अन्तर्राष्ट्रिय कार्यक्रम नेपाली सहभागीहरूको व्यक्तिगत उपलब्धिमा मात्र सीमित नरही नेपालको सम्मान, गौरव र अन्तर्राष्ट्रिय पहिचानसँग जोडिएको महत्वपूर्ण सफलताका रूपमा हेरिएको छ । विश्वमञ्चमा राष्ट्रिय झण्डा फहराउँदै देशको नाम उजागर गर्न सफल नेपाली टोलीलाई विभिन्न क्षेत्रबाट बधाई तथा शुभकामना व्यक्त गरिएको छ ।

यस सफलताबारे जानकारी दिँदै किड्स एण्ड क्विन नेपालका नेशनल डाइरेक्टर मोनु शाहले नेपाली बालप्रतिभाले अन्तर्राष्ट्रिय मञ्चमा देशको नाम उच्च राख्न सफल भएकोमा गर्व व्यक्त गरे । उनले आगामी दिनमा पनि नेपाली प्रतिभालाई विश्वस्तरीय अवसर उपलब्ध गराउँदै नेपालको पहिचानलाई अझ सशक्त रूपमा विश्वसामु स्थापित गर्ने प्रतिबद्धता व्यक्त गरेका छन् ।

प्रकाशित मिति: मंगलबार, असार ३०, २०८३ १४:२०

प्रतिक्रिया दिनुहोस्