'ग्लोबल डान्स लिग थाइल्यान्ड २०२६'मा नेपालको सहभागिता

विविध

गृहपृष्ठ
विविध
'ग्लोबल डान्स लिग थाइल्यान्ड २०२६'मा नेपालको सहभागिता

'ग्लोबल डान्स लिग थाइल्यान्ड २०२६'मा नेपालको सहभागिता

बुधबार, असार ३१, २०८३ रंगसंसार

अन्तर्राष्ट्रिय नृत्य प्रतियोगिता ‘ग्लोबल डान्स लिग थाइल्यान्ड २०२६’ मा सहभागी हुन नेपालबाट ठूलो प्रतिनिधिमण्डल थाइल्यान्ड पुगेको छ । विश्वका उत्कृष्ट नर्तक, प्रशिक्षक तथा कोरियोग्राफरहरूको सहभागिता रहने प्रतियोगितामा यसपटक नेपालका तीन टोलीले प्रतिस्पर्धा गर्दैछन् ।

ग्लोबल डान्स लिग नेपालका राष्ट्रिय निर्देशक रोशन गहतराजका अनुसार हालै सम्पन्न ‘वर्ल्ड अफ डान्स नेपाल २०२६’ बाट छनोट भएका टिम एनटी, दि इननेट सउल र एनडिए जुनियर ले अन्तर्राष्ट्रिय मञ्चमा नेपालको प्रतिनिधित्व गरिरहेका छन् । प्रतियोगिताको उद्घाटन बुधबार साँझ हुँदैछ ।

प्रतियोगितामा अभिनेत्री परीक्षा लिम्बुको विशेष उपस्थिति रहनेछ भने चर्चित कोरियोग्राफर जेडी तमू निर्णायकको भूमिकामा छन् । रोशन गहतराजका अनुसार यति ठूलो अन्तर्राष्ट्रिय नृत्य प्रतियोगितामा नेपालबाट पहिलोपटक यस स्तरमा निर्णायक चयन हुनु नेपाली नृत्य क्षेत्रका लागि गौरवको विषय हो । यस वर्ष निर्णायक मण्डलमा न्यूजिल्यान्डकी चर्चित कोरियोग्राफर काया पियर्स पनि रहेकी छन्, जो जस्टिन बिबरको चर्चित गीत ‘सरी’ को कोरियोग्राफीका लागि परिचित छन् ।

विश्वभरबाट सयौँ नर्तक तथा नृत्य टोली सहभागी हुने प्रतियोगिताले प्रतिस्पर्धासँगै सांस्कृतिक आदानप्रदानलाई पनि प्रवर्द्धन गर्ने अपेक्षा गरिएको छ । नेपाली टोलीहरूको सहभागिताले अन्तर्राष्ट्रिय नृत्य क्षेत्रमा नेपालको उपस्थितिलाई थप मजबुत बनाउने विश्वास गरिएको छ ।

प्रकाशित मिति: बुधबार, असार ३१, २०८३ १६:२८

प्रतिक्रिया दिनुहोस्